今次我哋終於去到呢一間超級熱門嘅西餐廳啦！～～即刻去片先！
自從睇到網上好多靚靚打卡相就一直都好想去 Billow 試下但係一直都預約唔到適合既時間，
今次趁天氣好係前一晚上網睇下竟然俾我哋見到朝早 10點半有位！ （衝呀～～～)
交通方面我哋就係由大埔墟站坐的士去小白鷺互動中心 (車資$28左右) 就可以係門口落車
一落車真係有一刻以為自己去左旅行，呢間餐廳真係好靚好靚～
純白色既外觀，再加上旁邊種滿棕櫚樹真係好有渡假既氣氛。
由於我哋係10點半最早一批入餐廳，所以我哋好好彩可以坐到窗邊
餐廳既窗邊位除咗可以湖畔靚景之外仲可以望到火車經過既景色！
係香港真係好難得可以坐定定欣賞到呢個景！
食完個靚靚Brunch 之後就行出去餐廳旁邊既小花園。早前上網睇係種滿鬱金香，原本以為鬱金香季節完咗就無花睇，點知原來小花園又換上另一品種既花。黃黃紅紅既小花海真係好靚～
同時間我哋仲係另一邊見到一小片薰衣草花田，而家未到夏天所以仲未開。
不過相信6月左右就會見到靚靚既薰衣草花田啦！～
之後我哋再沿住花園旁既小路就行到去Billow 既對面，
沿途可以留意下左手邊有無小白鷺既蹤影。
到達Billow 既對岸仲可以近距離望到火車，見到好多小朋友咁近距離望住火車都好開心呀～
