【香港露營】 海迎灘 BBQ 露營車｜2日1夜 冷氣露營車體驗分享

等左兩年都仲未有得去旅行，出去露營又熱，酒店Staycation 又去得太多有啲悶。

小編同朋友一直都很希望試一試在外國十分流行的露營車！而近年露營車場地亦愈開愈多，錦田、長沙、貝澳等地都是露營的熱門地方。左揀右揀之後，最後小編們決定到「海迎灘」初嚐沙灘露營！

文章目錄：
2. 海迎灘 營地介紹
3. 海迎灘 露營車設備
4. 海迎灘 綜合評價
5. 海迎灘 營地資訊

⭐️其他露營資訊可參考 《最新香港露營合集 2022 》

海迎灘 Welcome Beach
營地介紹

海迎灘係位於大嶼山長沙海灘附近，由東涌去海迎灘坐的士都只係大約 HKD$ 70-90 (4個人一齊去係假日仲平過坐巴士）係東涌買哂補給之黎再坐的士入去就剛剛好啦～就以下呢個景色令我哋係眾多露營車營地中選擇左「海迎灘 Welcome Beach」

即使今年夏天唔能夠出外旅遊，但入到黎「海迎灘」，係藍天白雲、一排棕櫚樹嘅襯托之下，整個環境就好似去左海島渡假一樣。營地總共有十架露營車，分別有2人、4人、5-6人車。雖然營地整體面積唔算大，但由於最多都係十架露營車，即使全部爆滿都係最多 40 人使用營地，唔怕會變成人逼人，無哂渡假氣氛。

行到呢個海濱休憩區可以欣賞到長沙海灘既靚景，既適合影相打卡，又可以吹下海風曬下太陽，影出黎既畫面真係唔似係香港，好夢幻～

Klook.com

整個營地中，We4小編們最中意既就係呢個梳化位，除咗可以望坐海邊沙灘，仲可以坐係有遮陰位同朋友傾計，好似去左渡假，悠閑咁過一個下午。

早上天氣可能太熱，夜晚先係出邊同朋友傾下計飲下嘢都幾Chill~

我哋夜晚係出面逗留都一陣都唔覺有超級多蚊，營地應該有噴到蚊水～

一朝早訓醒就可以係車窗望到外面既靚景，真係不得了！之後再係車入面煮返個靚靚早餐，拎出去對住個海食 （P.S.鐵板係自備嫁！如果想租電磁爐燒肉板都可以係接待處租借，但係就唔係圖中呢個樣既~~)

又或者乖乖地坐返係露營車出面食都好有 Feel ~

講開餐具，Check-in 時係接待處交左按金後就可以得到呢一籃餐具。入面會有張紙記錄住每款餐具有幾多份，Check-out 時記得數清楚，洗乾淨先交還呀～ 其實網上見到仲有其他廚具可以免費租借，大家可以係去之前睇下官網 ( P.S. 如果想租借鐵板燒肉就要額外俾錢啦！至於係車外用電磁爐就視乎唔同車型而定）

海迎灘Welcome Beach
/ 長沙泳灘 /

由海迎灘營地行出沙灘只係需要 5分鐘（其實由露營車出黎一行過木閘就已經到達沙灘）如果假日想避開其他人仲可以一早就行出沙灘係 接近3公里長既長沙海灘散步，之後先食早餐。享受一下早上超級寧靜既沙灘都係一個好唔錯既體驗。潮退時更會有機會影到「天空之鏡」既靚景！！！

後記海迎灘Welcome Beach
小總結

海迎灘露營車是一個十分難得的香港露營體驗。如果想體驗在海邊露營，但又想輕輕鬆鬆在冷氣地方休息，可以試一試以露營車作為露營初嘗試的第一步。 不過要注意由於場地只有10輛露營車，所以假日要一早預約才有機會入住。

除海迎灘之外，其實香港近年亦有很多不同款式的露營車（例如：Park Nautre，JK Club、浪高長岸等）而且仲愈開愈多 收費露營 場地，還有很多近期大熱的 Glamping 同車頂營，即使暫時未能去旅行都可以 Go Wild ！

View this post on Instagram

A post shared by We4 Travel (@voyagertt)

海迎灘Welcome Beach
場地資訊

大嶼山露營車 — 海迎灘
網站：http://welcomebeach.com.hk
地址：大嶼山上長沙海灘 海迎灘
Tel: 28909980
Whatsapp: 90606220

我哋仲會繼續去嘗試唔同嘅 Camping 活動！
大家記得留意住我哋個Blog 同埋Youtube Channel ，一齊探索下夏日香港好去處！

Klook.com

---

更多香港好去處文章：

🎢香港主題公園/樂園/最新好玩活動：
👉🏻 【港版teamLab】ARTE M – 北角全新K11 沉浸式藝術館 ｜震撼極光投影
👉🏻 【香港展覽】香港藝術館 / 絕美海景 – 文青打卡位、360度投入青花瓷世界
👉🏻 【露營開季】網上預約免費政府露營地教學 ｜附全港 41 個露營地列表
👉🏻【香港迪士尼】2023 煙花攻略｜迪士尼夜間煙花匯演 Momentous
👉🏻【香港遊車河】香港遊車河路線10選｜輕輕鬆鬆自駕遊
👉🏻【香港露營】豪華露營車、私人營地、星空營｜收費營地大合集

🌹香港花季：
👉🏻【香港花展2023】香港花卉展覽｜首設花展燈光匯演、早上賞花晚上賞燈
👉🏻【香港花季】2023 香港賞花遊記 – 繡球花/鬱金香/風鈴木/櫻花｜交通路線
👉🏻【香港公園】香港動植物公園 – 歷史悠久的「兵頭花園」｜城中綠洲
👉🏻【香港花季】東涌赤鱲角 – 黃花風鈴木大道｜機場風鈴徑｜附前往方法及路線
👉🏻【香港花季】繡球花海、櫻花之路（2023花況更新）｜大埔海濱公園
👉🏻【期間限定】2023 LED玫瑰花燈海 – 金鍾添馬公園｜情人節好去處

⛰️香港行山郊遊 / 離島好去處：
👉🏻【香港行山】2023郊野樂悠悠 – 10條輕鬆易走行山路線 / 一家大細都啱行
👉🏻【香港行山】 元荃古道（荃灣至深井段）遠眺藍巴勒海峽！CP值高行山路線
👉🏻【香港離島】蒲台島一日遊 路線分享｜遊蒲台島全攻略
👉🏻【香港離島】坪洲一日遊｜BB級沿海郊遊徑、牛皮廠「秘密花園」藝術村
👉🏻【香港離島】長洲．一日遊｜文青風餐廳Cafe、輕鬆行山路線