St.Regis Hong Kong / 香港瑞吉酒店 全港最佳萬豪集團酒店

【Staycation 香港】St.Regis Hong Kong Hotel / 香港瑞吉酒店

入住香港瑞吉酒店前早已聽聞過他們的服務是香港酒店中數一數二的,所以我們入住時都抱著很高的期望。結果我們都十分滿意,也令我們愛上St.Regis這個品牌。

特色/ 服務

香港瑞吉酒店 (St.Regis Hong Kong) 酒店是香港酒店中少有有in-room checkin服務的酒店,意思即是一抵達酒店櫃檯管家就會帶客人直接進入房間,讓客人可以在自己的房間Check-in不用像平常一樣站在Check-in Desk 前填入住表格。我們對這項服務並沒帶特別的喜愛,不過如果是有小朋友的家庭應該會十分喜歡這服務吧!可以直接安頓小朋友於房間再坐下來慢慢處理入住的事情,可以令整個入住體驗更加輕鬆。

說到管家服務,不得不提的就是St.Regis Butler Team (管家團隊) 我們覺得說他們是酒店的生招牌也絕不為過。 在我們入住的兩天接觸過大約4個管家,除了入住時遇到一個可能太忙碌所以心情不佳,但態度還算親切的管家外,其他的管家服務都是 超!級!貼!心!只要經入住時派發的QR Code登入通訊軟件即可與他們聯絡,而且回覆的速度也是很快。 無論是訂酒店餐廳,補給咖啡膠囊、浴室用品甚至是晚上想浸泡泡浴也可以請他們代勞。我們曾經聯絡過Butler Team數次每次他們都是很快便對我們提出的問題作出相應的協助。加分!

剛剛提到泡泡浴,對! Butler Team的管家們在你提早預約的情況下是會親身到你的浴室為你準備泡泡浴的!整個感覺好像高級了不少!我們入住時也親身體驗了一次這個服務,管家會在預約好的時間拿着泡泡浴套裝現身(他們有用毛巾遮蓋着,很神秘!哈哈)然後管家會詢問大約什麼時候會浸浴,以調節水温。很甜心對不對! 之後管家就會把門關上,神秘地在浴室為我們準備泡泡浴。整個過程大約為20分鐘,完全泡泡浴準備後管家便會退場,識我們在房間舒舒服服地浸浴。 原本以前過程會稍為尷尬,但管家專業的服務令我們感覺很舒服,更令這個泡泡浴成為整晚住宿的亮點!

房間

我們入住的是Premier Room, Harbour View雖然不是套房,但進入房間的感覺十分舒服,空間感十足。 我們非常喜歡酒店的設計風格,灰色加橙色的色調再配上柔和的光線令整體感覺很有質感像家一樣。 而浴室則用上白色和米色的配搭,照明足夠,十分簡潔。

景觀

雖然St.regis Hong Kong的賣點不是酒店景觀,畢竟酒店為於灣仔較入的位置並不近海邊所以大部分的房型也沒有像旁邊Renaissance 或Grand Hyatt一樣的無敵大海景。 不過我們的房間還是有一部分可以看到會展和維港景色的。

食物

我們於這次入住只是於酒店的潤 中餐廳享用了半自動早餐,所以食物方面亦只能評價早餐。 雖然早餐是於中餐廳享用但主菜方面的選擇很多,包括中西日式。 我們兩人各點了一份主菜,分別是中式的鮑魚雞粥、特色點心和日式的烤三文魚定食。 鮑魚雞粥的賣相十分精美,味道也不錯而其他點心也很好吃。 另外日式三文魚定食也一樣,正常水準。 除了各點一份的主菜外,自助區域的食物種類也算豐富。有各種沙律、穀物、麵包,亦有中式炒麵等熱食。不過提到St.Regis的早餐,最有趣的就是果汁區域中,那一瓶藍藍綠綠的香茅水了。 雖然顏色奇怪,但喝下去其實是沒有什麼特別味道的,很是有趣。

小總結: St.Regis Hong Kong是萬豪集團在香港酒店中數一數二的,而且短短開業兩年就登上Tripadvisor.com的第一名真是十分厲害。 親自體驗過後感受到員工的熱誠,尤其是當我們在住宿途中發生了一點小問題(就真的是個小問題,我們也只是在whatsapp輕輕提出,怕影響下個客人),高層竟然親自主動找我們道歉並說明錯誤不可以接受。這樣的服務態度真的令我們很驚訝亦令我們更欣賞這酒店。

不專業評分

特色/服務: ⭐️⭐️⭐️⭐️⭐️ (泡泡浴滿分!)

房間:⭐️⭐️⭐️⭐️ (設計感十足)

景觀:⭐️⭐️⭐️⭐️ (有部分維港海景)

食物:⭐️⭐️⭐️⭐️ (鮑魚雞粥加分!)

青衣公園・落羽松

雖然返工放工經常會經過青衣,
但真的很少機會真正走進位於青衣市中心既青衣城鎮公園
早聽說過每年一月開始,種係公園入面既人工湖旁的落羽松就會開始變紅!
所以我哋係 2021 年既第一日就去咗睇下落羽松最新情況,
現場所見落羽松只有少量轉紅,大部分仍處於黃綠色之間。
相信一月中至尾嘅景色會更加靚!

不過反正也來到了青衣公園就即管四圍逛逛吧!

青衣公園距離青衣地鐵站只有10分鐘路程,
由青衣站B出口出發進入青衣城後直行,行至詢問台反轉右直行再轉右
出商場後直行經過天橋即可到達,全程只需10分鐘內就可以到達。

P.S. 由於青衣公園交通十分方便而且鄰近青衣城,補給方便,很多人會來這裡野餐聚會。
公眾假期時經常有人多,帳篷一個貼近一個的情況出現!
所以平日日落時分到達欣賞落羽松可能係比較好嘅時機。

除了落羽松外,青衣公園其實也有很多值得我們欣賞的細節
其中我們覺得最美的就是這個小小的裝飾,配合著種在後面的花真的十分浪漫,
就像置身於歐洲的一個小庭院一樣。

再往前款一點會看到這個比較中式的牆。
一棵修剪得很美的樹正正種植在牆上圓形空心位的正中央,
突然又覺得自己走到了中國的庭院,有種穿梭時空的感覺。

公園中亦有很多綠化的空間,其中最為特別的便要數這棵巨型參天大樹了!
位於公園的正中心,歐陸式的小欄杆的襯托又瞬間帶我們回到了歐洲!
在這裡享受著夕陽照射下來暖暖的陽光,就是一天中最美的時刻。

這次我們的青衣公園遊就先到這裡,一月中我們會再次去到青衣公園為大家更新落羽松最新情報。

流水響水塘|森林中的天空之鏡 – 一月:落羽松

終於嚟到想去好耐都未去到嘅流水響!呢度真係比我哋想像中仲靚仲舒服!
今次我哋無行完全條流水響郊遊徑,只係簡簡單單圍住水塘行
去到水塘嘅對岸 —- 一個十分之靚嘅野餐地點就停低休息,
欣賞美景,之後就原路回程。

首先我哋係粉嶺火車站 C出口對開既小巴總站乘坐 52B 專線小巴係流水響落車
如果唔清楚落車地點,可以係上車嘅時候同司機講,請司機到流水響提醒
見到第一個八仙嶺郊野公園嘅路標就可以準備落車,
第二個既八仙嶺郊野公園路標係喺迴旋處呢個位。

亦都係小巴上落客嘅地方。落車後就開始我哋今日嘅行程!
首先依住指示轉右往流水響水塘。
之後沿住一直行都係好平坦嘅路,上下斜嘅坡度好細。
大約行左 15分鐘左右就會見到流水響郊遊徑既入口,

我哋今次就唔上山所以就選擇左直行圍住水塘行下。

沿住郊遊徑一直行多 5分鐘左右就會見到流水橋,見到呢條橋就即係就嚟到達目的地啦!

沿途都可以望到對岸既景色,綠草如茵景色真係好似去左外國咁!

到達目的地後,映入眼簾嘅就係一條兩旁種滿落羽松嘅路~絕對係打卡嘅好地方!

(聽聞12月尾-1月既時候呢度仲有機會變成紅葉之路)

之後沿住水塘慢慢行,係無風既時候可以好清晰咁望到對岸既倒影!

係一片樹林區之中有如此平靜既水塘景色,唔怪得呢度被稱為「森林中的天空之鏡」 。

欣賞完景色我哋就沿路落返去坐落車地點坐小巴回到粉嶺火車站,
不過由於抵達既時候已經見到好多人係八仙嶺郊野公園嘅路標下面等小巴。
我哋就決定轉左往鶴藪水塘方向行多 15分鐘去到鶴藪村既小巴總站坐 52B小巴出去。

沿途都係平緩既下斜路,經過鶴藪停車場之後轉右行直到見到鶴藪亭轉右入鶴藪村,
小巴站就係係村口位置。

小總結: 由小巴站到水塘落羽松路只係 25 分鐘左右,如果只係簡單影下相就來回只需 1 小時!呢條懶人路線真係好適合快閃郊遊半日遊,景色好似去左外國既湖邊咁靚。如果唔大風既時候坐係水塘邊望住靚靚水塘倒影野餐都係一個好適合一家大細嘅活動。

流水響2020紅葉情報: 未紅,只有十分少量轉黃 (於2020年12月2日)

交通路線:

去程: 於粉嶺火車站C出口對面小巴總站,乘坐52B專線小巴 (流水響- 迴旋處下車)

下車後沿指示牌走 15分鐘到達流水響郊遊徑 入口,
再直行多 10分鐘左右到達流水響水塘

回程:原路回程,於下車地點附近排隊上小巴 52B回粉嶺火車站 / 於下車地點再步行多 15 分鐘到鶴藪村總站上車

(假日比較多人,總站會比較客容易上車)

聖誕Staycation推薦!香港美利酒店|聖誕下午茶 & 聖誕市集

今次同大家分享既就係香港美利酒店 (The Murray Hong Kong)

呢間酒店係由前政府大樓改建而成既酒店由開幕到而家一直都係影相打卡既熱門景點,

就等我哋即刻去睇下今年聖誕佢哋有咩新搞作啦!去片!!

一到達The Murray就已經俾呢座咁靚既建築吸引住!真係好靚!

首先當然要睇下佢哋今年既聖誕市集 Murray Christmas Market 先啦!

呢個一連十日既聖誕市集係由17.12.2020 – 26.12.2020 每日12n.n – 8pm

係酒店最Signature 既 The Arches 1樓位置舉行。

場入面有唔同攤位既飾物,聖誕食品!仲可以帶埋狗狗一齊黎買聖誕禮物同打卡

行市集又點可以唔食下嘢!我哋就試咗 Murray Hong Kong 自家經營既攤位賣既食物!

呢個Gingerbread & Candied Orange Waffle with Vanilla Ice Cream 真係好好食!!

好中意薑味同甜甜地既橙皮既配合!再加埋零尼拿雪糕,成件事聖誕得黎又好食~

Murray 個攤檔仲有Hot Chocolate 同 Mulled Wine 可以飲~

真係令我哋好懷念試年聖誕係 London 既 Winterwonderland 入面既熱朱古力呀

睇完市集之後就係時候去食下午茶,

我哋個Package 就包左Garden Lounge 既Festive Afternoon Tea Set for Two

一見到個Tea Set就不停影相📸️,因為又係「好聖誕!」

差唔多每件食物都有少少連繫到聖誕呢個主題~真係好用心

食完Tea又行完市集我哋終於入房啦!哈哈

一入房當然都即刻睇下個浴室🛀~ 一入到去真係覺得好靚

雖然無Rosewood HK 既浴室咁浮誇,但係就比起Rosewood HK有種更加樸實豪華既感覺!

我哋入住既N2 Grand King 房型係望住香港公園!真係好少係呢個角度望落去~好特別

如果大家入住既房型係包Mini Bar既話記得試下枝少爺啤!

係Brewed Exclusively for The Murray Hong Kong 嫁!

Staycation唔可以少既仲有早餐!

不得不提The Tai Pan 呢個Semi-Buffet 早餐真係超出我哋既期望

除咗Main Dish 有好多款式之外,連Buffet Area既選擇都十分之多!

我哋因為掛住食所以無影到好多相,如果想睇詳細啲就Click入去睇片啦!

〖香港 Staycation〗Rosewood HK |香港瑰麗酒店

Staycation 第一擊!香港瑰麗酒店(Rosewood Hong Kong) 尊貴海景客房住宿體驗再享受一下酒店的無邊際泳池和維港景色Gym Room 設施。


疫情一直反反覆覆持續。不能出外渡假,一直上班下班真的很沉悶。碰巧政府派發一萬元,就獎勵一下自己到香港酒店來一個Staycation吧。

今次來到香港瑰麗酒店 Rosewood Hong Kong,是一間2019年新開幕的豪華酒店。我們今次入住的是尊貴海景客房 (GRAND HARBOUR VIEW ROOM)為了一覽維港景色,我們拼了。

由酒店Lobby的裝飾已經看出這間酒店的品味,簡約豪華的設計令人有家的感覺。

一入房門,就被漂亮的維港景色吸引住。生活在香港這麼多年,真不知道原來香港的酒店是這麼豪華!如果入住當天天氣好一點的話,拍出來一定會更美!

走進房間,看到這個白色大理石為主調的浴室。就知道這裏一定是房間內的打卡勝地,真的太美了。

再看看Rosewood的酒店設施,先到Fitness Center

從來沒有見過設備這麼齊全的Gym Room,因為是2019才開幕的酒店所以健身器材都很新很齊全

再配上這個維港景色跑步,完美!

Fitness Center 已經這麼完美,那泳池也不會差吧。一推開通往泳池的玻璃門,嘩! 無邊無際的維港加九龍景色!而且泳池旁竟然還有室內冷氣玻璃房可以供家長邊看小朋友邊休息,真是太甜心了。

喜歡這個飽覽維港的美景所以早上起床忍不住叫了Room Service Breakfast。在這樣的環境享受Sunday Brunch真是最高享受。

最後附上酒店送給我們慶祝生日的蛋糕,朱古力蛋糕份量很足,味道也很好。

在Youtube上也分享了我們這次Staycation的小小片段,有興趣可以去看看。香港其實真的很美,大家也一起努力發掘香港的美吧。

酒店官方介紹
聳立在壯麗的維港,香港瑰麗酒店是九龍海濱的嶄新核心建築;Victoria Dockside藝術設計區的一顆璀璨明珠。


位置
香港瑰麗酒店將於2019年3月17日開業,位於尖沙咀海旁的梳士巴厘道,及前身為新世界中心位置的藝術及設計新地標Victoria Dockside,佔地樓高65層的綜合大樓中43層。

住宿
酒店設有322間客房及91間套房,其中為18間特色套房。

【大棠紅葉2020】元朗大棠楓香林!捉緊紅葉既尾巴 |附前往方法

大棠紅葉情報 (2020年12月28日更新)
大欖郊野公園初段紅葉已經落下,只剩楓香林入口處有幾棵楓香
和後段還有比較大範圍的紅葉可供觀賞。但到訪當日亦見到很多楓香樹開始落葉

今次我哋一大早就去到大棠睇下啲紅葉既情況,
由於我哋比較早既時間入去所以都唔算多人。
再訪大欖郊野公園,睇到初段既楓香樹有部分已經開始落葉🍂

之後去到涼亭位置雖然都有好靚既紅葉,但係真係太多人

所以我哋就繼續向前行,行到落去入啲既位置

十二月尾既楓香又紅又黃咁真係好靚!!

不過一邊行既時候都見到楓香開始慢慢飄落,
相信今年既大棠紅葉季應該好快就會完結。
希望下年我哋可以去其他國家睇楓葉啦!!

P.S.大家去大棠時盡量唔好自己揸車去,減少帶俾居民既麻煩~!
仲有仲有!就係記得唔好除低口罩呀!


2020香港紅葉情報: (2020.12.7更新)

少量楓香轉紅,涼亭位置紅葉多數介乎綠,黃之間。

但可以拍攝到一張照片裏有綠,黃,紅的楓香亦是另一種體驗季節轉變的美。


前往方法: 

K66巴士

朗屏西鐵站B1出口下樓梯後依指示前往K66巴士站,到大棠山道下車 

紅Van

於元朗千色廣場對面乘坐紅Van 到大棠山道下車 

1)下K66巴士 或 紅Van後再沿大棠山道上斜大約20分鐘到達分叉路口

2)經樓梯 或 斜路都可以到達大欖郊野公園燒烤場(停車場&補給位) 

3)再沿路上斜進入大欖自然郊遊徑再依指示步行20分鐘即到達楓香林

離開方法: 原路回K66巴士 或 紅Van下車點對面乘坐紅Van 或 K66巴士回元朗市中心/朗屏

【香港郊遊】城門水塘 菠蘿壩自然徑

城門水塘係一個全年都好適合一家大細郊遊既好地方,
距離荃灣市中心乘小巴只係20分鐘左右車程就到達城門水塘入口。
全程只有少量梯級,路線大致平坦。
菠蘿壩自然徑既前段(約1.5小時)十分精彩,有白千層大道,塘畔美景,大草原等等。
後段較多上下斜坡,不過慢慢走亦可以於1小時左右可以走完。
即使不於分叉路口中選擇登上觀景台,亦可以於沿途的小觀景台上俯瞰水塘美景。到達城門(銀禧)水塘主壩後更可以一睹這個法定古蹟的宏偉壯觀。最後回到起點上82號小巴便可以回荃灣市中心,結束行程。(全程連影相3個小時左右)


起點: 眾安街和兆和街交界乘82號小巴於總站下車

沿菠蘿壩自然徑步行30分鐘 —-》 白千層大道
再步行15分鐘 —》 塘畔白千層美景 (打卡必到!)
再步行30分鐘 ——》 大草原美景!欣賞水面倒影(打卡必到!x2)
再步行30分鐘 ——》 小觀景台俯瞰水塘景
再步行20分鐘 ——》 到達城門水塘主壩
最後沿車路走20分鐘左右回起點

終點: 小巴下車處坐回82號小巴扺達荃灣市中心
全程連拍照大約3小時

注意⚠️ 沿到會偶遇猴子請千萬不要打擾猴子!不要嘗試餵他們!
沿途儘量不要進食❌靜靜地欣賞美景和猴子保持安全距離✅

路線講完就係時候睇靚相!!呢度既景色真係唔輸外國嫁!

【聖誕燈飾2020】 尖沙咀聖誕燈飾大合集

尖沙咀聖誕燈飾:K11 Musea、海港城、尖東海旁、1881、半島酒店燈飾
一起來個尖沙咀半日遊吧!

不能出外旅遊,就在香港過聖誕吧!
每年一到十二月聖誕燈飾就會一一掛上,其中最多燈飾集中的地方就是尖沙咀!
一起看看今年 2020 年的聖誕燈飾吧!