香港紅葉情報 2021|欣澳秘密楓香林|漫步欣澳海旁賞芒草|鐵路旁的散步路線

不知不覺已經來到了十一月尾,2021年已經接近尾聲。每年來到這個時候香港的部分山頭會漸漸變紅,而大棠楓香林更會變得人頭湧湧。今次我們就先跳過大棠楓香林,來到欣澳海旁附近尋找一個小小的秘密楓香林

Youtube 頻道: We4 Travel 一起旅遊吧

前往方法

前往欣澳小楓香林很簡單,由地鐵欣澳站A出口出發沿右邊海旁走大約 20-30分鐘即可到達。由地鐵站A出口直走,到達海旁後轉右,一直沿海旁石堤走

沿海旁石堤轉彎後會見到前方有地鐵路軌,繼續沿海旁走,可邊行邊欣賞左邊海旁,右邊鐵路軌的景色。

一直走到海旁石堤的尾段,會見到一大片芒草,而且不時會有列車經過。可以把芒草堆中列車駛過的畫面一次拍攝到,感覺置身於鄉村小路之中,非常特別。

拍攝芒草後再繼續前行,經過露天貨倉後會到達一個分叉路口。在分叉路口轉右穿過隧道
*注意* 此路段不時會有重型貨車經過!行走在馬路時千萬要小心

穿過隧道後沿馬路走,再走幾分鐘後會再次見到另一個分叉路口,再次轉右後重新見到地鐵路軌。沿地鐵路軌直走一會後即可在右邊見到一片密林 —- 欣澳小楓香林。

觀賞紅葉後可以慢慢沿原路回到欣澳海旁,在地鐵站對出石堤欣賞日落


欣澳楓香林(紅葉情報2021)

21/11/2021 更新!現場只有2-3棵楓香開始轉紅,欣賞紅葉最佳時機大約再過2星期左右

【香港好去處】離島 – 坪洲一日遊|坪洲隱世沙灘|探訪牛皮廠「秒密花園」藝術村|BB級沿海行山路線 – 愉坪徑|坪洲打卡Cafe、馳名蝦多士| 尋找史努比石|


今次小編們終於衝出香港。。。島,出發前往離島啦!

這次小編們趁平日放假天氣好,決定前往離中環只有 25-40分鐘船程的坪洲,
千萬不要小看坪洲這一個小小嘅島嶼 ,
雖然坪洲並沒有長洲、南丫島發展那麼完善,但都可以好好玩!

一心打算到達坪洲後先到Cafe Island Table、藝術村影相打卡,再走走愉坪徑尋找史努比石,但沿愉坪徑行時竟然發現原來坪洲有幾個偏靜小沙灘!!🏖️ 而且小沙灘還可以遠眺迪士尼!

大鄉里小編們又再次感嘆「香港真係好靚!!!!!」

坪洲一日遊 (影片來源: We4 Travel 一起旅遊吧)


坪洲」一日遊路線

廣告

輕輕鬆鬆半日遊坪洲 – 全程大約 4小時

坪洲半日遊


坪洲碼頭 -> 坪洲Cafe「Island Table Grocer Cafe」 -> 大利島 -> 愉坪徑入口 –> 坪洲隱世小沙灘 ( 小心水母!)-> 坪洲Snoopy 石 -> 坪洲觀景涼亭 -> 坪洲東灣沙灘 – > 坪洲 牛皮廠「秒密花園」藝術村 -> 馳名蝦多士 – > 坪洲碼頭

當日小編們大約10點從中環碼頭 (中環碼頭往坪洲船期表)出發,慢慢玩遍坪洲後大約下午3點。之後再碼頭附近再逛逛順道欣賞日落,才坐船回中環。

廣告

坪洲半日遊 – 補充小資訊

坪洲碼頭
所需時間
坪洲碼頭 -> 大利島 15 – 20分鐘
愉坪徑 -> 坪洲觀景涼亭  (沿途經數個小沙灘、史努比石)20-30 分鐘 (少量梯級)
坪洲觀景涼亭 ->  坪洲東灣沙灘 (須穿過坪洲村落民居)10 – 15 分鐘 (落斜)
坪洲東灣沙灘  -> 牛皮廠 5分鐘
坪洲半日遊路線 – 所需時間

廣告

第一站:坪洲 Island Table Grocer Cafe

在坪洲碼頭步行5分鐘的永興街有一間純白色外牆的小Cafe「Island Table Grocer Cafe」。平日的早上到訪十分清靜,走進店內感覺很「坪洲」,很悠閒。點了咖啡、熱食(Pizza 要11點30後供應),慢慢調整心情,放慢腳步,探索坪洲。


第二站:大利島 – 坪洲影相打卡位

從坪洲碼頭出來轉左沿海濱一直走大約10-15分鐘,在寶翠灣和翠濤花園之間的路口轉右進入坪利路,再向翠濤花園直行就會到達前往大利島的大橋(圖2)過橋後轉右沿海邊走一會即到達大利島石灘。登上石灘盡頭的石堆可以回望坪洲,還可以遠眺愉景灣和迪士尼!景觀一流!


第三站 – 坪愉徑(尋找史努比石)

離開石灘後,沿原路走回坪洲主島,就會見到翠濤花園附近的坪愉徑入口(圖1)
由此處一直到史努比石的路徑平緩,十分適合一家大細郊遊。沿途風景優美,左邊有海景亦可遠眺迪士尼樂園酒店和汀九橋。從入口處經過直升機坪,再往前走大約5分鐘就會連續見到兩個小沙灘(圖2-3)

坪愉徑小沙灘的質素比坪洲東灣沙灘更好!(注意⚠️沙灘上有「小心水母」提示)坐在沙灘上放空一下也不錯!離開小沙灘後繼續沿坪愉徑走就會找到史努比石(圖1)爬樓梯往上走可登上坪洲觀景亭(圖2),從觀景亭看出去可以看到香港和九龍景色(圖3)。平時多數都是在尖沙咀看維多利亞港,又或者是從山頂看下去。這次從坪洲回看香港島,又是另一個特別的角度!

廣告

第四站 – 坪洲東灣沙灘

穿過坪洲居民村落後就會到達坪洲東灣沙灘,遠看景色不錯。不過沙灘質素不及坪愉徑旁的小沙灘但亦可於防波堤上影相打卡。

廣告

第五站 – 牛皮廠「秒密花園」藝術村

在東灣沙灘中間的出口轉入志仁街一直走就會找到位於永安街和志仁街之間的牛皮廠「秒密花園」藝術村。自1930年代開設的坪洲牛皮廠,因為生意低落而於1975年結業,經活化後現轉型為藝術村,現被列為三級歷史建築。

廣告

最後一站 – 坪洲馳名蝦多士

人人都說來到坪洲必試蝦多士,在逛完藝術村後還有時間小編們就走到「褀森冰室」試一試他們馳名的蝦多士!一碟四件蝦多士加配一杯飲品大約HKD$50 ,有一點偏貴。炸多士尚算鬆脆,不過蝦肉不算多,如果來到坪洲有時間都可以一試,但不必特意到訪~

褀森冰室 – 坪洲蝦多士

坪洲馳名蝦多士 – 「褀森冰室」
地址:坪洲永安街3號地下B舖
營業時間: 星期一 全日休息; 星期二至五 08:00 – 16:00 ; 星期六至日 08:00 – 16:30


吃過下午茶後,小編們便結束坪洲半日遊,踏上回家之路~
坪洲還有其他好去處~ 下次我們再一次探索,或許可以試試登上手指山吧!

港島日落靚景|東岸公園主題區(第一期)&銅鑼灣避風塘燈塔|觀賞日落好去處

今次介紹香港島 2個可以於市區觀賞日落的景點,分別因為東岸主題區(第一期)以及 銅鑼灣避風塘燈塔。上述兩個地方都位於離市中心大約10分鐘路程,十分方便,而且都是面向廣闊的維多利亞港海景,可以欣賞得到香港獨有的日落美景。

Youtube Channel : We4 Travel 一起旅遊
廣告

1. 東岸公園主題區(第一期)

首個以維港為主題的大型字型藝術裝置

香港島最近有全新旅遊景點 – 位於炮台山地鐵站10分鐘步程內的24小時開放東岸主題區
主題區的入口位於中環灣仔繞道行車天橋下,建築師以「窗戶」為設計概念,把大小不一的窗框融入欄杆、戶外裝置及矮壆的設計,遊人所見的景色仿似是從一扇窗向外望。

東岸主題區(第一期)

主題區提供草地、座椅、遮陽設施等,供市民享用。另外,為讓市民欣賞維港景色時,同行的孩童能盡情玩樂,場地內設有兒童平衡車試驗空間;建築師亦善用場地特點,於部分陸地斜面海堤上設置遊樂滑梯和安全地墊。主題區亦是寵物友善場地,只要繫上牽繩就可以和寵物一起享受公園。

廣告
東岸主題區第一期:防波堤

另外!東岸主題區第一期其中的一大特色,是設有第一條於維港內正式向公眾開放的防波堤。防波堤長約100米,讓市民從維港內海以新角度欣賞香港的海岸線。在防波堤末端可近乎360度飽覽維港景色,

東岸公園主題區
地址:https://goo.gl/maps/5s8TbyFFDTU1bxVC8
前往方法:炮台山港鐵站A出口經油街轉入電器道,至屈臣道街尾即可到達,步程約七分鐘

廣告

2. 銅鑼灣避風塘燈塔

想一嘗在市中心乘搭舢板睇日落的話可以選擇銅鑼灣避風塘。乘坐舢板於海上穿梭於遊艇之間,欣賞維港超美的景色!絕對是一個很特別的體驗。

銅鑼灣避風塘
銅鑼灣避風塘

銅鑼灣避風塘燈塔

地址:https://goo.gl/maps/JYJgXnRSwXdSGFfLA
前往方法:由銅鑼灣Sogo 出發,依影片路線沿東角道直行進入怡和中心,於告示打道方向離開後左轉入小巷落停車場,再依往香港遊艇會指示到達銅鑼灣避風塘。乘舢板前往燈塔只需5分鐘船程 (收費單程$15)

廣告

香港迪士尼Halloween 2021|全新表演:惡人舞動迪士尼、米奇玩轉大街派對(附迪士尼表演時間表)|迪士尼萬聖節全攻略|迪士尼泊車推薦

迪士尼Halloween 活動終於返黎啦!
今年好可惜因為疫情關係無鬼屋,但係就有呼應萬聖節主題嘅「詭趣Halloween」花園!

香港迪士尼樂園門票優惠 傳送門:
👉KKDAY:https://www.kkday.com/
👉KLOOK:[限時優惠]1日門票(有效期至2021年12月22日)

而且還可以順道欣賞新城堡,新城堡以迪士尼 13 個公主為創作藍本,用色粉粉的~很童話 不得不提今年的萬聖節花園真係好靚呀!朝早夜晚完全唔同感覺,即刻去片~!

「詭趣Halloween」花園入面超有氣氛!每一個角落都係影相打卡位!

大人小朋友仲可以係花園內DIY糖果盒,再於園內各處指定位置同工作人員玩 Trick-OR-Treat

由花園回望迪士尼城堡真係好夢幻~

千奇唔好錯過萬聖節限定嘅「惡人舞動迪士尼」,演出係原野劇場 (入園後記得到資訊板睇下演出時間,再預早少少去排隊入場呀!)

仲有唔可以錯過嘅就係巡遊「米奇玩轉大街派對」!雖然只有短短大約十分鐘,但係可以重新見到迪士尼演藝人員唱歌跳舞~真係好開心!

最後離開之前,可以睇埋 7點半嘅 「We Love Mickey 投影盛演」,只要企係美國小鎮大街就可以欣賞投影到街道 2 邊嘅動畫。迪士尼嘅音樂再配合簡單動畫就已經好好睇

=======================

香港迪士尼Halloween 2021
即日至2021年10月31

香港迪士尼樂園門票優惠 傳送門:
👉KKDAY:https://www.kkday.com/
👉KLOOK:[限時優惠]1日門票(有效期至2021年12月22日)

=======================

香港迪士尼樂園酒店至抵優惠 傳送門: 

👉KLOOK: https://www.klook.com

廣告

[香港美食】香港東涌喜來登酒店 – 嶼坊 Cafe Lantau 自助餐|任食燒龍蝦、即開生蠔

嶼坊 ( Cafe Lantau )係位於香港東涌喜來登酒店內既自助餐餐廳,酒店距離東涌市中心有一段距離,有需要可以於東涌地鐵站乘坐酒店免費穿梭巴士到達。
文末有酒店穿梭巴士時間表

Cafe Lantau 嶼坊

廣告

餐廳價格

優惠資訊: Chope.com / Openrice.com 訂座可享8折優惠
萬豪會員優惠:白金會員 7 折 (有Blackout Date)

嶼坊 晚餐自助餐價錢:
星期一至五 (6PM-11PM)
成人$628 小童$338

星期至日以及公眾假期
成人$678 小童$378

Youtube Channel: We4 Travel 一起旅遊吧

食物

嶼坊自助餐餐廳於晚餐時段主打燒龍蝦、冰鎮海鮮及即開生蠔,另外亦有每季特設的主題食品區。小小編到訪當日的主題是「港式燒烤」,由酒店廚師即場燒烤各種有香港特色的食品。

廣告

燒龍蝦位於燒味檔以及中式食品旁,每次燒龍蝦出爐都會出現人龍。不過燒龍蝦是整晚任食的,小小編當日食飽離開時大約是晚上9點仍不斷有燒龍蝦出爐,所以應該每人都有機會吃得到。

冰鎮海鮮及即開生蠔在自助餐入口位置的沙律吧旁,基本上一進餐廳就能看得到吧!小小編到訪那天的海鮮很不錯!凍蟹、凍蝦很鮮甜~

廣告

至於其他熱食則有中式炒粉麵飯,印度咖喱及薄餅等

廣告

主題區域 「港式燒烤」有提供即場燒烤,有燒牛腹肉鵝肝多士、燒牛肉、羊架等食物。由於主題是港式燒烤主題,所以部分菜式有加入由香港製造的啤酒 – 少爺啤 ( 少爺啤燒青口,少爺啤燒蜆)亦有使用香港製蝦醬配上香港魚蛋。小小編頗喜歡這個區域,可以一次過品嚐不同有香港特色的美食~餐廳使用的青口和蜆亦很新鮮,和啤酒配合得很好。

Cafe Lantau 的甜品區是小小編最愛的區域!一來到甜品區就被這個巨大Tiramisu 吸引住~而且上面還有美美的Sheraton Logo!其他蛋糕賣相也十分精美而且味道也很不錯,旁邊更有馬卡龍和MÖVENPICK雪糕任食~另外一邊更有即場製作的香港雞蛋仔~可以自己製作雪糕雞蛋仔再加上一兩顆馬卡龍真的很棒!完全滿足了小小編的甜品胃!

每人一碟鮑魚

食後感

餐廳主打的海鮮、燒龍蝦是不錯的。但除了海鮮外,其他熱食的選擇並不多。除基本的中式菜餚、燒牛肉、羊架,港式燒味就只剩下主題區域和甜品區,選擇不及港島香格里拉的Cafe Too,但絕對比同集團的 The Ritz-Carlton Cafe 103 好 。不過畢竟是酒店出品,食物選擇雖然不及部分酒店,但新鮮程度和品質也是對得起價格的。如果喜歡食海鮮應該是可以輕輕鬆鬆回本的~ 不吃海鮮的話其實甜品區的甜品也很出色,由MÖVENPICK 雪糕、巨型Tiramisu、各款酒店出品蛋糕,到香港地道雞蛋仔,紫米露等等。相信小朋友見到一定會十分興奮🥰

廣告

嶼坊 (Cafe Lantau)
香港東涌喜來登酒店1樓
地址:香港新界大嶼山東涌怡東路9號 

香港東涌喜來登酒店穿梭巴士時間表
廣告

如果有興趣入住香港東涌喜來登酒店,可以睇埋我哋嘅Staycation 入住報告~


香港全新水上樂園!海洋公園水上樂園試玩|內文附樂園詳細攻略、必玩遊戲、儲物櫃資訊、交通方法 (2021 年陸續更新)

期待已久既海洋公園水上樂園已於9月21日正式開幕啦😍
想睇下全新海洋公園水上樂園有咩玩就即刻去片啦~

Youtube Channel: We4 Travl

推薦推薦!八彩天梯真係超!好!玩! 🌈
另外亦好中意留係漂漂河嘆下世界! 不過要小心古惑的水柱💦😂
想ChillChill玩下可以選擇旋風雙子梯,急流漩渦 😚
要刺激既仲可以挑戰下自己玩勇者之巔🙌

海洋公園水上樂園門票: www.klook.com/waterworldoceanparkhk
(已過期) 30/9 前仲可以係KLOOK 訂門票,超過$500 可以用PayMe Promo code 減$50 : KLKPAYME50 !!

儲物櫃資訊

入園轉左到達更衣室區域後可租借儲物櫃,價格由 $120 – $280 全日無限任開

圖片來源:香港海洋公園水上樂園官網

溫馨小提示

1️⃣着水上活動鞋會好過着拖鞋,因為玩既時候拖鞋要穿係手而鞋就可以直接着住玩

2️⃣儲物櫃由$120-280,小型儲物櫃 ($120)可以放到大約2個人既物品 (+勉強放到一對波鞋)

3️⃣玩大部份遊戲都唔可以戴眼鏡,可以準備一個小防水袋/防水腰包。玩之前放入袋再穿係手就可以落水。

4️⃣玩八彩天梯同勇者之巔垂直滑梯時唔可以穿住防水袋係手,有需要可以用$20一次既迷你儲物櫃

5️⃣重要❗️ 除左落水期間(可將口罩穿在手臂上),全部時間都要戴口罩,所以最好準備一個萬一濕咗水都可以重用既布口罩😉

===========================

香港海洋公園|最抵優惠!折後每位成人$249即可入場(附購買海洋公園門票攻略Klook超抵優惠、預約入場教學) |香港人的回憶

香港海洋公園入口 (圖片來源:香港海洋公園)

說起香港海洋公園,大家除了想到大熊貓和威威司令外,應該亦會想起它的機動遊戲。小編中學時代最常和一大班同學朋友於暑假時到訪海洋公園,即使排上短則一小時,長則兩、三小時的隊伍亦要坐上的就是那個看起來就怕怕的過山車 — 「越礦飛車」,而另一經典機動遊戲「滑浪飛船」亦是另一考驗友誼的遊戲 — 到底誰坐在前方為後方的朋友都擋著迎面而來的水花?另外已投入服務達20年的「極速之旅」(跳樓機) 亦是小編一直不敢玩的遊戲。

不過隨著香港海洋公園的改革即將展開,上述3個園內經典的機動遊戲亦要停止運作 (「極速之旅」及「越礦飛車」,「滑浪飛船」將運作至2021年8月31日)如果大家想和這幾個盛 著童年回憶的機動遊戲說聲再見,就記得要趁最後幾天入場啦~

香港海洋公園門票優惠


小編發現Klook 購買海洋公園門票**比官方網站便宜,一張成人門票只需港幣$360更附送$60園內消費券,而且可以即日購票,即買即用 ,非常扺玩 👉🏻即上klook訂購香港海洋公園門票

🔥Klook 海洋公園門票優惠 *(附港幣$60 園內消費券)

🔥🔥klook 海洋公園票價優惠 :成人$360 、小童$195 門票包括:

海洋奇觀 (圖片來源: Klook 官網)
  • 1張香港海洋公園門票
  • 可享總值園內現金券(成人門票包括 – 包含1張價值 HK$30 購物電子現金券,及1張 HK$30 餐飲電子現金券 / 小童門票包含1張 HK$30 購物電子現金券)


*此優惠門票不可升級至「智紛全年入場證」


(由於疫情關係園內限制入場人數,記得於訂購門票前到海洋公園官網預約入場人數,免得購票後不能進入)



❤️另外另外! 本文重點優惠 – 低至成人低至$249 (小童低至$188) 包一日海洋公園門票連添好運點心套餐/樂園美食券再加單程接送

👉🏻🔥即上Klook 訂購海洋公園門票連餐飲套

香港海洋公園登山纜車 (圖片來源:Klook官網)

套票內容包括:

  • 海洋公園一日任玩門票 (為客人預先代辦入場登記, 確保入場)
  • 單程豪華旅遊巴士及專業導遊服務 行程於海洋公園解散,讓閣下有充足時間遊覽樂園請客人自行安排回程交通
  • 海洋公園高級套餐美食券 (可於指定餐廳換取一份主菜,一杯軟飲及一份甜品) : 指定餐廳包括: 水都餅店 (海濱樂園),熊貓薈 (海濱樂園),灣景餐廳 (高峰樂園),海洋冰室 (高峰樂園)
  • 添好運: 品嚐十款不同精美點心餐
套票包括添好運精美點心 餐單
(圖片來源: Klook 官網)

行程簡介:

港鐵香港站地庫一層12A舖添好運門口
  • 時間:09:00

此為暫定的集合時間,商家將於出發前以電郵/電話確認最終集合時間

  • 如何前往:港鐵香港站 F 出口, 步行約1分鐘

🔥👉🏻即上Klook 以優惠價訂購香港海洋公園連餐飲套票

[2021.08.28更新] 9月份星期三、星期五六日大部分日子仍有供應

[暑假限定] 海洋公園 + 美食 (包入場登記及旅遊巴) 9月份可選日子

🔥🔥題外話,klook現正與HSBC Payme合作,於Klook網站消費滿$500再以Payme付款可以即減$50 。抵上加抵!

**此優惠只適用於香港香港身份證持有者,另外根據政府規定,所有團友上落旅遊巴時必須掃描「安心出行」二維碼。

香港海洋公園預約入場教學

進入香港海洋公園官方網頁後可跟據自己情況選擇類別:
(門票持有人 / 生日免費門票/稍後購票 / 智紛智員)

香港海洋公園官網預約入場 – 門票類別

廣告
香港海洋公園官網預約入場 – 人數及入園日期

選擇入園人數和入園日期後可向下滑動填寫個人資料

香港海洋公園官網預約入場 – 登記資料

登記資料後按下提交按鈕,網頁會轉到另一頁面,可屏幕截圖 QR Code / 於電子郵箱取得QR Code, 於入場時出示樂園職員即可入場。


香港海洋公園 地址:
香港仔黃竹坑道一百八十號



【期間限定】尋找舊香港足迹|龍鬚糖、糖蔥餅即場製作+試食

期間限定!今次我哋去既係一個以舊香港為主題的展覽是位於太子基隆街一座即將重建既騎樓建築。展覽名為「舊香港•融舊-藝術概念館」 ,為期 2 星期 (2021 年8月13至8月27日)大約分為 2 個展館,以新式方法將舊香港的事物重新呈現,希望藉此繼續傳承香港文化精神。 展館內有唔少影相打卡位,仲有即場製作既懷舊小食 – 龍鬚糖、糖蔥餅可以試食!

館內六大影相打卡位分別係舊信箱牆、鳥籠露台、霓虹燈牆、舊招牌牆、書法牆以及「時代見証」舊照片隧道

廣告

首日現場已經人頭湧湧,如果假日去到可能都要預時間排下隊先入到場

現場仲有師傅即席製作懷舊小食 — 龍鬚糖、糖蔥餅,有機會近距離欣賞兩款懷舊小食製作,入場人士更可以免費取一份小食 (亦可自行捐款支持文化保育)

廣告

除咗影相打卡位外,場內亦展出收藏的舊物件,由小朋友的書本字典到日常生活的收音機、熱水壺等亦有展出。

甚至有五、六十年代至七十年代使用的大門的演變和街頭書法家李漢先生書寫的文字亦有展出。另一展館內有投影區,可以從3面投影牆中見到香港的轉變,更可於體驗館親身體驗一下以前香港嘅居住環境。最後可以欣賞這個既 Instagram-able 又能記錄歷史的「見証時代」照片牆
「見証時代」
廣告
你會否留下?

展覽詳情:
舊香港•融舊-藝術概念館
活動日期:8月13至8月27日
活動時間:星期一至五 1pm至9pm、星期六日及公眾假期12pm至9pm
地點:太子基隆街1至7號地下


香港全新水上樂園!海洋公園水上樂園試玩|內文附樂園詳細攻略、必玩遊戲、儲物櫃資訊、交通方法 (2021 年陸續更新)

期待已久既海洋公園水上樂園已於9月21日正式開幕啦😍想睇下全新海洋公園水上樂園有咩玩就即刻去片啦~ 推薦推薦! … 繼續閱讀 香港全新水上樂園!海洋公園水上樂園試玩|內文附樂園詳細攻略、必玩遊戲、儲物櫃資訊、交通方法 (2021 年陸續更新)

今個夏天嘅浮潛好去處!綠蛋島以外的選擇…

今年夏天依然無得去旅行,香港又熱辣辣最啱就係去浮潛!今次介紹嘅唔係大家好熟悉既綠蛋島,而係一個少啲人知道既浮潛新景點 —- 赤洲。👉🏻立即上Holimood 官方網站預訂!

唔止綠蛋島,赤洲都有玻璃水!(圖片來源: Holimood)

廣告


赤洲既周圍都有好靚既紅色嘅岩石,影相打卡一流!而且唔係只係得綠蛋島先有玻璃水嫁, 赤洲嘅海水一樣清到可以見到好多唔同魚,趁夏天未完一班朋友一齊去玩水Chill 下仲可以想像下自己去咗場小旅行~ 咁就算無得旅行要無香港都可以玩得開心啲!~

赤洲紅色石頭!最啱影打卡 (圖片來源: Holimood)
赤洲浮潛 (圖片來源: Holimood)

❤️行程*:
🌊30分鐘 – 坐船出發前往赤洲
🤿60分鐘 – 浮潛體驗
🐠120分鐘 – 生態導賞
🚤30分鐘 – 坐船回程
*時間表可能隨實際情況而有所改變

👉🏻立即上Holimood 官方網站預訂!

廣告

❤️赤洲浮潛體驗及生態導賞 (私人包團):

時長:4小時
路線:烏溪沙往返赤洲
集合地點:烏溪沙碼頭(確實位置將會WhatsApp 通知)
收費:$580/位 (10人起) *
👉🏻立即上Holimood 官方網站預訂!

*費用已包括來回船錢、教練費用以及浮潛裝備費用
*套票不包括保險,客人需自行購買保險(如有需要)
*如需要使用沖身設備,可前往馬鞍山樂天水上活動中心

🌊🏄🏻‍♂️其他水上活動及浮潛活動 : Holimood 官方網站

廣告

夏天最好就係出海玩獨木舟!而家係Holimood 可以預先租定~
一早訂定先就唔怕去到唔知係邊租啦!
【西貢】 單人獨木舟/ 雙人獨木舟/ 直立板租借 – 港幣$100 起 – Holimood 官方網站

香港海洋公園|最抵優惠!折後每位成人$249即可入場(附購買海洋公園門票攻略Klook超抵優惠、預約入場教學) |香港人的回憶

說起香港海洋公園,大家除了想到大熊貓和威威司令外,應該亦會想起它的機動遊戲。小編中學時代最常和一大班同學朋友於 … 繼續閱讀 香港海洋公園|最抵優惠!折後每位成人$249即可入場(附購買海洋公園門票攻略Klook超抵優惠、預約入場教學) |香港人的回憶

香港迪士尼樂園酒店 Staycation 國賓廳住宿報告|海景陽台客房|國賓廳食足3餐|

香港迪士尼樂園酒店 Disneyland Hong Kong Resort
房型: 國賓廳海景露台客房 👉🏻Klook 預訂香港迪士尼樂園酒店優惠

香港迪士尼樂園酒店 – 花園迷宮

去迪士尼之前先入住香港迪士尼樂園酒店,休息一晚再入園玩。 今次我哋會入住國賓廳海景露台客房,想睇真實情況就即刻去片~

Youtube Channel: We4 Travel 一起旅遊吧 – 香港迪士尼樂園酒店 Staycation

一到達酒店,排隊前職員話如果訂左國賓廳就唔洗係大堂排隊,可以直接上國賓樓層Checkin。入住當日未開始暑假,所以人唔多,可以即刻Checkin。國賓廳既職員都好有禮貌,隔住個口罩都感受到佢地好好笑容。職員有提醒如果我哋想入樂園玩就要預約,亦有介紹國賓廳安排既其他活動。

廣告

我哋當日大約下午三點入到去已經即刻可以入房,今次住既海景露台房真係超級靚!純白色既露台真係好似置身係迪士尼世界既城堡一樣。

香港迪士尼樂園酒店 – 國賓廳海景露台客房

👉🏻Klook 預訂香港迪士尼樂園酒店優惠
即上 https://www.klook.com 預訂

廣告

講返間房先,雙床房型空間夠大,而額外加錢既慶祝生日佈置真係令呢間本來就好靚既房更加歡樂,令呢次既迪士尼Staycation更難忘。設備方面同普通酒店差唔多,有Nespresso 咖啡機、茶包提供。比較特別既係房間入面2枝大樽裝既Bonaqua礦泉水🤣 另外因為今年係迪士尼酒店15週年關係,床頭會有2張15週年既紀念Postcard而牙刷等用品亦會用一個印有15週年紀念既鐵盒裝住,非常具紀念價值!

由於職員有介紹到四點會係國賓廳有迪士尼小手工玩,我哋就好快放低行李出返去做小手工。原來當日係用卡紙做一頂唐老鴨既帽,簡簡單單但整完出黎都好得意!做完小手工可以坐入去國賓廳食小點心,當日既點心有米奇造型既米通、爆谷、軟糖等小食,全部都獨立包裝,另外亦有咖啡,果汁汽水任飲。

之後黃昏時間就會有紅白酒、啤酒、Gin酒等供應,食物亦會換上三文治,沙律等輕食,仲有幾款加入迪士尼元素既甜品!除咗自己夾既冷盤,職員係黃昏時間會問客人要唔要一份熱食。當日既熱食係包括龍蝦湯、雞肉串燒、炸雲吞,炸蝦等等,份量雖然唔多,但味道不錯!職員知道我哋有人唔食得海鮮之後有入廚房問師傅邊樣食物無海鮮成份再另外準備一份食物俾我哋 (雖然食物唔係另外準備,係同出面夾既一樣😂,但都好欣賞職員既用心🥰)

廣告

天氣好既時候晚上會有户外電影播放,酒店有貼心準備蚊怕水!泳池我哋今次就無去到~ 值得一提既係,晚上大約7點會有迪士尼人物着睡衣係走廊同大家影相。入住國賓廳客房既客人checkin時會有張飛寫住同迪士尼朋友既影相時間。不過由於疫情關係,同迪士尼朋友影相時都要保持社交距離🤣 👉🏻Klook 預訂香港迪士尼樂園酒店優惠

香港迪士尼樂園酒店 晚上戶外電影放映

晚上國賓廳仲有睡前講故仔時間,國賓廳會有演藝人員講Bedtime Story俾小朋友(/大朋友)聽,大家可以聽埋故仔飲杯牛奶再返房休息。而夜晚返到房因為又想食野既關係我哋叫左一份Room Service既宵夜,係韓式豬肉飯。估唔到連紅蘿蔔都係米奇老鼠既造型!米奇老鼠係迪士尼酒店真係真係無處不在。

廣告

最後就講埋國賓廳既早餐,早餐同黃昏時分Happy Hour 一樣係一份定食咁上。一坐低職員就會問我哋食中式定西式(中式:炒麵,蛋捲,粥,點心; 西式:露旬,磨菇,蛋,火腿,薯餅,牛角包)之後再點埋飲品就可以出去睇下仲有咩想食。出面自助區有沙很、牛角包、小蛋糕等輕食,亦有果汁、牛奶、粟米片、乳酪等早餐食品。雖然選擇唔算好多,但加埋一份中/西式既熱食都好夠飽。

退房同樣可以係國賓廳完成。因為當日我哋係Checkout後先入樂園,職員有提供選項可以幫我哋送行李去樂園門口,咁我哋離開時唔洗再次回酒店取行李,非常細心!

廣告

👉🏻Klook 預訂香港迪士尼樂園酒店優惠


總括黎講,我哋好滿意今次係迪士尼樂園酒店既住宿!由酒店既華麗裝修到職員既細心服務都令我哋覺得好似真正進入左一個夢幻世界一樣!而國賓廳安排既一項接一項活動亦令我哋既staycation變得更充實😂 如果小朋友去到一定會好開心🥳

廣告