新春行大運 2021 – 鹿頸 – 鳳坑 – 谷埔

農曆新年就到啦!新年當然要去行大運去行山郊遊啦!

聽聞今年2021 牛年既方位係北利讀書、東利財

所以就當然要向東北方向行個大運接財神🧧🧧

睇完 鋒加西亞 – 德國工作假期後的世界流浪 去隱世蘆葦田既文章之後一直都好想去,

咁啱粉嶺就正正係香港嘅東北方向,所以我哋今年新年行大運人就決定由去粉嶺出發,

鹿頸落車再經鳳坑村走入谷埔欣賞日落蘆葦田。

鹿頸 – 鳳坑 – 谷埔郊遊全紀錄 – 即刻睇片!

––––––––––––––––––––––––––––––

鹿頸 – 鳳坑 – 谷埔 郊遊路線

詳細路線可以參考埋 鋒加西亞 – 德國工作假期後的世界流浪,我哋都係跟住呢個路線行。

粉嶺火車站 C出口乘56K小巴,在鹿頸總站下車。

沿新娘潭路一直走到發記士多轉左再轉左,

正式進入郊游徑,沿郊游徑行1 小時即到達谷埔蘆葦田。

回程沿原路回下車地點,乘56K小巴回粉嶺火車站。

全程大約 7 公里,慢慢拍照+遊玩都只係 3 小時來回 (路程大約 2 小時)

全程只有大約 10 分鐘平緩樓梯,其餘都是平路,

是一條適合一家大細郊游的路線。

––––––––––––––––––––––––––––––

粉嶺火車站 C出口乘56K小巴,在鹿頸總站下車。

見到BB 開心士多之後係總站落車,沿新娘潭路一直向前走到「發記士多」指示牌轉左之後係「發記士多」前再轉左,正式進入郊遊徑。

經過幾間村屋穿過樹蔭後,就會見到呢個咁開揚嘅景色啦!

啲水仲好清好清!真係估唔到香港會希一個咁靚嘅地方呀~

行前少少會見到紅樹林,如果同小朋友一齊黎就可以同佢一齊欣賞下紅樹林嘅生態,

潮退時仲希樹會見到彈塗魚!

全條路線都好簡單而且路面十分平坦!

行到一半會見到分叉路口,要依指示沿海邊行就可以繼續向谷埔方向前進。

過咗分叉路口後向前行會見到一個涼亭,

就即係我哋黎到全條大約1 小時嘅路線唯一一段樓梯路啦!

呢一段樓梯路係大約 5 分鐘上,之後一段短短嘅平路再落 5 分鐘樓梯就可以完成!

梯級同梯級之間唔高,算係一段十分平緩嘅樓梯。一家大細都應該輕鬆行到

行完樓梯後一直沿路行大約 10 分鐘左右就會到達鳳坑村!

雖然鳳坑村係唔可以進入參觀,但係離遠睇都已經覺得好靚~ 好似一幅美麗嘅鄉村圖畫咁

大家千祈唔好走入村,打擾村民同破壞呢度嘅寧靜呀!

係村口有大大片嘅蘆葦田,黃昏嘅時候黎呢度真係好靚。

身為城市長大既城市寶寶係呢一刻都有少少嚮往鄉村嘅寧靜~

欣賞完鳳坑村嘅美景後再向前行少少就會見到呢個小碼頭,碼頭嘅盡頭有小燈柱。

配合全身後嘅海景同山景,呢個T11 碼頭成為咗一個熱門嘅影相打卡位~

影完相就繼續向前行~~~

一直沿住海邊既平路行,沿途欣賞紅樹林同海景行大約 5 分鐘,就會見到另一個景點

對面呢一個看似係海中心既小沙洲,係潮退嘅時候係可以行過去嫁!

大家如果想過去就要留意返潮夕漲退嘅時間啦!

經過小沙洲後,繼續繼續沿海邊行大約 20 分鐘左右就會見到呢間已經荒廢咗既啟才小學,

唔好睇少呢間學校,佢係一間有近80年歷史嘅三級歷史建築!

而啟才小學對面就係望住呢一個咁靚嘅景色,有山有水有花。係真真正正嘅人傑地靈~

欣賞完歷史建築後,再沿海邊繼續行就可以欣賞到左邊海景,右邊山水景。

呢個風景真係好靚係一個適合畫畫既好地方。

沿住海邊行多 5 分鐘左右就會到達谷埔村村口!見到呢個指示牌轉左就係去谷埔碼頭

同剛剛係鳳坑村村口嘅碼頭差唔多,都係一個好好嘅影相打卡位 (呢個位可能會少人啲~~)

影完碼頭相後行返去谷埔村村口指示牌轉右就會見到呢一條小徑,一直行就會到達蘆葦田啦!!

雖然2 月唔係蘆葦最盛開嘅季節但係呢一個夕陽慢慢落下,

映照係蘆葦上閃閃發光嘅畫面真係好夢幻好靚呀!

Zoom近啲再睇下!呢一個情景真係一啲都唔似係香港~

好似童話世界入面既田野一樣,好靚好靚好靚!

(不過大家千祈唔好嘗試落田,如果唔係應該真係會泥足深陷!!)

欣賞完呢個咗靚咗夢幻既景色後,就係時候沿原路回程啦~

一邊返返去鹿頸落車位,一邊欣賞日落就為今日嘅行程畫上完美嘅句號。

【信芯園】粉紅百合花海|紫藤花隧道打卡| 親身支持本地農場買年花|

又嚟到信芯園啦!今次我哋唔係睇太陽花而係睇年花!

因為疫情關係,今年嘅年宵開放情況唔同咗所以信芯園園主就開放農場俾市民親自入嚟買年花~信芯園園內除咗粉紅百合花海、劍蘭花海之外,場內仲有唔少打卡位例如玫瑰花隧道、紫藤花隧道等等。既可以影下相打下卡又可以親自去花田買年花,呢個體驗真無好難得呀!

嚟緊新年同情人節假期可以去支持下本地農場~!!

入口售票($50 一條手帶,買花可以用作減$50)

粉紅百合、黃百合花海

劍蘭花海

玫瑰花隧道

紫藤花隧道

——-以下資料轉自FB Page 新田梁日信———-

https://www.facebook.com/SanTinShunGor/

開放時間:上午8:00至下午6:00 (無須預約)

入場時即場付$50買手帶 百合不設落田

現場有農場新鮮農產品及百合花出售,以當日價錢為準

每位遊客入場需先購買手帶 ($50)

每條手帶可扣減 $50 買花優惠,

每束花只可扣減 1(條)手帶優惠。

如不購花,$50 手帶費不作退款。

———————————————————–