雨後瀑布灣公園|貝沙灣下的瀑布|南區海濱步道

一直都覺得係貝沙灣下面有個瀑布好有型😂

趁早排下大雨後,瀑布水量應該很充足就決定了要去左瀑布灣公園走走,果然見到好壯觀既瀑布。😍

暴雨後的瀑布灣公園瀑布

不過最近經常落大雨,所以水流很急。如果和小朋友去開眼界的話更加要安全為上❤️不要走下去石灘,在樓梯位置欣賞也很美的~

交通方法

在九龍區坐970去 「華富邨華清樓」站落車,轉入瀑布灣道行5-10分鐘就可以去到!

另外附上五月初是尚未踏入雨季的瀑布狀況:

未踏入雨季時的瀑布

原本一條小小的瀑布,在一場大雨後竟然變成壯觀大瀑布,真的差很多!😍

【大嶼山露營車】 海迎灘 BBQ 露營車|2日1夜露營車真實體驗 (1)

夏季正式開始!出去露營又熱,酒店Staycation 又去得太多有啲悶?
今次我哋就試下住外國好流行既露營車,左揀右揀最後決定去「海迎灘」

海迎灘位於大嶼山長沙,選擇佢既原因無佢哋真係好近長沙泳灘~

住得露營車就梗係想同陽光玩遊戲啦!
由海迎灘一行出去就係長沙泳灘,咁就玩完水返去訓覺再BBQ 直落都無問題。

即刻去片睇下我哋係長沙既 2日1夜玩咗咩啦~

海迎灘係位於大嶼山長沙海灘附近,由東涌去海迎灘坐的士都只係大約 HKD$ 70-90 (4個人一齊去係假日仲平過坐巴士)係東涌買哂補給之黎再坐的士入去就剛剛好啦~

就係呢一個景令我哋係眾多露營車營地中選擇左海迎灘

即使今年夏天唔能夠出外旅遊,但入到黎海迎灘,係藍天白雲、一排棕櫚樹嘅襯托之下,整個環境就好似去左海島渡假一樣。

營地總共有十架露營車,分別有2人、4人、5-6人車。

雖然營地整體面積唔算大,但由於最多都係十架露營車,即使全部爆滿都係最多 40 人使用營地,唔怕會變成人逼人,無哂渡假氣氛。

行到呢個海濱休憩區可以欣賞到長沙海灘既靚景,既適合影相打卡,又可以吹下海風曬下太陽,影出黎既畫面真係唔似係香港,好夢幻~

成個營地入面其實我哋最中意既就係呢個梳化位,除咗可以望坐海邊沙灘,仲可以坐係有遮陰位同朋友傾計,好似去左渡假,悠閑咁過一個下午。

朝早天氣可能太熱,夜晚先係出邊同朋友傾下計飲下嘢都幾Chill~

我哋夜晚係出面逗留都一陣都唔覺有超級多蚊,營地應該有噴到蚊水~

一朝早訓醒就可以係車窗望到外面既靚景,真係不得了!!

之後再係車入面煮返個靚靚早餐,拎出去對住個海食 (P.S.鐵板係自備嫁!如果想租電磁爐燒肉板都可以係接待處租借,但係就唔係圖中呢個樣既~~)

又或者乖乖地坐返係露營車出面食都好有 Feel ~

講開餐具,Check-in 時係接待處交左按金後就可以得到呢一籃餐具。入面會有張紙記錄住每款餐具有幾多份,Check-out 時記得數清楚,洗乾淨先交還呀~ 其實網上見到仲有其他廚具可以免費租借,大家可以係去之前睇下官網 ( P.S. 如果想租借鐵板燒肉就要額外俾錢啦!至於係車外用電磁爐就視乎唔同車型而定)

長沙泳灘

由海迎灘營地行出沙灘只係需要 5分鐘?(其實由露營車出黎一行過木閘就已經到達沙灘)

如果假日想避開其他人仲可以一早就行出沙灘係 接近3公里長既長沙海灘散步,之後先食早餐。享受一下早上超級寧靜既沙灘都係一個好唔錯既體驗。

潮退時更會有機會影到「天空之鏡」既靚景!!!

長沙泳灘 「天空之鏡」

詳細評價可以睇下一篇,又或者去我哋IG 睇住先~

總括嚟講,海迎灘露營車都係一個好難得嘅體驗。
不過由於佢哋得10架車,所以假日好多時要一早預約先有機會玩。

除咗海迎灘之外,其實香港仲有好多其他露營車可以試吓~ 而且仲有其他露營活動,好似近期好Hit 嘅 Glamping 咁。今個暑假就同我哋一齊 Go Wild 啦!

我哋仲會繼續去嘗試唔同嘅 Camping 活動,大家記得留意住我哋個Blog 同埋Youtube Channel ,一齊探索下夏日香港好去處!

大嶼山露營車 — 海迎灘
網站:http://welcomebeach.com.hk

【期間限定】鹽田梓藝術節2021| 復修後的香港鹽田|一次睇哂30個藝術品|

今次我哋一齊闖入西貢鹽田梓藝術節😍

早知道西貢鹽田梓近幾年努力進行復修、美化工作,但一直沒有機會到訪。

到訪後不得不驚嘆復修後的鹽田梓太美了!💕

除了有各種打卡位、亦可於多個小展覽、文物館內了解鹽田梓的歷史📖

更可親自走進復修後的鹽田範圍聽導賞員講述製鹽過程🧂

參觀鹽田梓藝術節既可以打卡又可以多了解香港,絕對是一日遊的好地方😍

P.S. 鹽田梓藝術節2021 舉辦日其為4月17日至7月16日,趁好天氣就要去啦😃

另外,於西貢碼頭「鹽光保育中心」購買往鹽田梓船票($60來回),

可獲得鹽田梓藝術節貼紙,憑貼紙可於鹽田梓藝術節期間免費欣賞所有鹽田梓藝術節場所❤️

一齊睇下鹽田梓藝術節2021有咩藝術品啦!

鹽田梓藝術節2021去到 7月16 號就完結~

今個夏天一齊去鹽田梓,重新認識一下呢個近300 年歷史既小島啦~

從西貢碼頭的「鹽光保育中心」攤位買票坐船到鹽田梓 (船票$60 來回)

前往鹽田梓船期班次 (來源: https://www.yimtintsaiartsfestival.hk/transport-ship.php?lang=tc)

由西貢碼頭坐船到鹽田梓只需大約15分鐘船程

鹽田梓島上帶多個藝術品,但提起鹽田梓當然首先要參觀鹽田!

於碼頭位置的鹽田梓訪客中心會有當天鹽田的開放時間,大家記得要預時間早些進入參觀呀!

於鹽田開放時間進入鹽田後,會有導賞員解說製鹽過程。這個香港現存香港最後一個鹽田由於當時荒廢得太嚴重,復修團隊在進行工作前更親身到台灣學習參考呢。

據導賞員所介紹,整個製鹽過程就算在好天氣的日子也需要大約 14 日。

島上有展覽介紹當年的製鹽過程,從模型中大約可以猜到當年曬鹽的情況

除了鹽田外,島上從3年前起舉辦鹽田梓藝術節。經過村民和藝術家的努力,在預預的島上增設了多個藝術裝置。讓大家可以邊影相打卡,邊了解鹽田梓的歷史。

一邊在鹽田梓觀賞藝術品,亦不要忘記欣賞大自然送給我們最美的禮物。

這邊的水十分清徹而且海水在陽光的照射下閃閃發光,真的很美。

如果想行一點山也可以登上雙子亭,一覽無邊無際的大海,更可遠眺在對面的滘西洲。

在鹽田的另一邊不能錯過的還有這個超美的木棧道!(藝術品 7R)

在一片草原上,漫步在彎彎曲曲木棧道是一種享受~

環島鹽田梓一周連影相打卡時間大約需要3-4 小時,如果時間充裕更可以在嘗試把 30個藝術品全部找出來呢~

詳細資料可以參考鹽田梓藝術節2021網頁:

https://www.yimtintsaiartsfestival.hk/index.php?lang=tc

鹽田梓藝術節Facebook 專頁:

https://www.facebook.com/yimtintsaiartsfestival/

尋找山頂纜車之旅|港島纜車徑打卡影相熱點

第五代山頂纜車要退役啦!係6月28號之前同大家作最後告別,而且係退役前仲換上告別新裝。6 月28 日之後山頂纜車就會停駛6個月更換車廂。

趁山頂纜車告別之前我哋就行左港島既纜車徑,邊行邊影相打卡

其實走完纜車徑(由堅尼地道至梅道纜車站), 連影相時間只係需要大約 1 小時,

短短一條纜車徑就可以從唔同角度欣賞山頂纜車,真係好值得!

正式開始由香港公園出發,經紅棉道依指示到達山頂纜車站。

開始沿纜車徑往上行,經過Peak Tram Cafe。

有咖啡有小食,仲可以係室內望出去見到纜車駛過既場面,咁就可以係室內都舒舒服服睇纜車。

Peak Tram Cafe 山頂纜車咖啡店

經過Peak Tram Cafe 之後,繼續向上行就會到達堅尼地道,

係堅尼地道可以欣賞纜車駛過橋既場面

堅尼地道山頂纜車影相位

過馬路後會見到一條小樓梯,沿樓梯直上一直行就會到達麥當勞道

係麥當勞道可以從見到纜車從金鐘駛向山頂

麥當勞道山頂纜車影相位

到達山頂纜車站 – 麥當勞道後

麥當勞道山頂纜車站影相位

於麥當勞道沿斜路一直上再轉右行樓梯到達馬己仙峽道

馬己仙峽道亦有另一個山頂纜車影相位,可以見到長長一條向上既纜車

馬己仙峽道道山頂纜車影相位

繼續向上行!由馬己仙峽道轉入蒲魯賢徑再轉入高化利徑就會到達梅道,亦係山頂纜車既下一站。

梅道山頂纜車站影相位

從梅道山頂纜車站可以近距離欣賞纜車穿過天橋既場面

梅道山頂纜車站影相位

由於再行上去山頂纜車既最後一站有少少遠~所以今次我哋無去到,希望下次更氣涼爽啲我哋再戰!! 今次短短既纜車徑就係呢度結束,可以由原路返香港公園又或者回馬己仙峽道坐小巴落中環站。

香港最好玩沙灘 – 愉景灣免費沙灘兒童遊樂場 – 大白灣|愉景灣吃喝玩樂全攻略

夏日Special:香港沙灘系列 (3) – 愉景灣沙灘

今次我哋會去位於大嶼山嘅愉景灣,一次過到訪2 個沙灘 — 大白灣、三白灣。

大白灣係喺愉景灣碼頭旁,一個規模較大既沙灘,其特別之處就係沙灘上設有免費兒童遊樂場! 除基本遊樂設施外,仲有沙灘飛索!係香港難得一見嘅沙灘遊樂場~ 

另外一個位於愉景北商場旁既沙灘 – 三白灣,係一個比較少人去既沙灘。沙灘比較多碎石雜物,如果有小朋友建議去大白灣。沙灘位置接近愉景灣酒店,住客如果想前往此沙灘散步都係一個好活動。

Youtube Channel : We4 Travel 一起旅遊吧

愉景北商場、心鎖長廊

愉景北商場內有數間餐廳,亦有7-11, 惠康超市。應該可以提供足夠補給。

心鎖長廊位於愉景北商場的海濱長廊位置,心形裝置可以俾情侶扣上心形鎖,許下承諾。

三白灣沙灘

由心鎖長廊向左邊方向沿海濱走,一直走到最底便會見到到三白灣沙灘入口,轉入小路後走下石級便石到達。沙灘比較寧靜少人,但碎石較多。

愉景灣白教堂

從三白灣回愉景北商場,出發前往愉景灣最著名地標 – 濱海白教堂。濱海白教堂位於愉景灣酒店後,純白色的三角形建築配上教堂身後的白教堂真的很美。這教堂除了是熱門打卡熱點外,亦是拍結婚相的理相地點,見證了不少幸福新人。

大白灣沙灘

由愉景北商場去大白灣可以選擇沿愉景灣道步行大約30 分鐘,又或者由愉景北商場門口乘坐 9 號巴士 (車費大約 $ 5.4) 中途下車 / 乘至愉景灣巴士總站再經 D’Deck 行至沙灘

一到達大白灣就會被免費兒童遊樂場吸引!想不到香港也會有這麼好玩的沙灘遊樂場,其中最最最吸引的就是這個在沙灘上的飛索設施!

D’Deck

在沙灘待至差不多黃昏就是「醫肚」的時間!愉景灣 D’Deck 內有不少餐廳,中西泰式餐廳應有盡有。這次我們到訪了兩間餐廳,將會在下一篇文章中介紹~

愉景灣交通優惠

P.S. 先透露一下,愉景灣現正有交通優惠,在指定時段於指定餐廳用電子消費每滿$120 即可以有一人免費交通(可選擇車 / 船 )回市區~ 例子: 如 4 人用膳消費滿 $ 480 即可全部 4 人免費回市區。如果大家打算到愉景灣用膳記得要保留單據到指定地點登記!

詳情可以到官網查詢: https://www.visitdiscoverybay.com/en/whats-hot-event/?id=21

香港南區隱世小沙灘|西灣河30 分鐘直達 – 龜背灣|

龜背灣位於石澳和赤柱之間,是一個比較少人到達的沙灘。

雖然沙灘面積不大,但設備齊全。

更衣室、公廁、燒烤場、遊樂場一應俱全,可以就是麻雀雖小五臟俱全

(註: 因疫情關係,燒烤場暫時仍然關閉)

到達龜背灣的方法十分簡單,由西灣河地鐵站A出口坐 14 號巴士到「龜背灣」站下車即可到達。

從「龜背灣」站下車,大海的景色即一覽無遺。繼續往前行一小段路便會見到龜背灣泳灘的入口,沿著樓梯往下走大約 5 分鐘便到達這個比較少人的小沙灘。

「龜背灣」站下車點
龜背灣泳灘的入口, 往前走開始落樓梯
樓梯全程 5 分鐘左右
龜背灣泳灘

淺水灣!香港最容易到達的沙灘之一|幻想海島渡假的一天|

提起淺水灣,大家腦海裏都應該會浮現夏日最美好的畫面。

盛夏.海灘・美食

的確,淺水灣是香港其中一個最容易到達的沙灘。

從中環乘巴士大約30分鐘後下車便可以直接衝往沙灘,投奔海洋。

而且淺水灣的配套也十分齊全,附近有影灣園、The Pulse 兩個商場,內有不同類型餐廳,咖啡店等,亦有超市。預算許可的話,想即興到沙灘上野餐也是絕對沒有問題~

 立即開始我們的一日幻想海島假期,到淺水灣來一個吃喝玩樂一天遊吧!

從香港站坐 6/6x 巴士直接到淺水灣站下車後,便立刻可以感受到淺水灣濃濃的渡假氣氛。

不過我們先不環直接往沙灘走,先到身後的影灣園 The Repulse Bay Arcade 影相打卡,順道往超市補給一下食物/飲品。

影灣園露台餐廳

走進影灣園 The Repulse Bay Arcade就像走進一個小小藝術館,古典格調的露天茶座,美美的旋轉樓梯,長長的走廊,高高的天花吊燈都是一個又一個影相打卡位。

淺水灣影灣園 – 打卡位

欣賞完這麼高貴典雅的裝修後,穿過露天茶座,我們一秒間來到了另一個完全不同的環境。

來到一個海島風的小庭院,聽著瀑布的水聲令人感覺十分放鬆,感覺氣溫也瞬間下降了幾度

淺水灣影灣園 – 打卡位

穿過小庭院到登上2樓後,又見到另一景點 — 一條長長的中式走廊!

想不到這個小小的商場入面會有這麼多影相打卡位~

淺水灣影灣園 – 打卡位

從影灣園出來後,走到淺水灣沙灘,進入沙灘商場 — The Pulse,原本只是打算吃個午餐便到海灘玩水去,但意外又發現另一影相好去處!!

淺水灣The Pulse – 打卡位

在這個鞦韆上坐著正正是向美麗的淺水灣!!從這邊影相看出去真的超美!

還意外發現了 % Arabica Hong Kong 在淺水灣開了分店!可以在外賣咖啡到沙灘上慢慢享受真是太Chill 了!~

淺水灣 The Pulse 咖啡店
淺水灣日落靚景

在The Pulse 逛了一圈,快到黃昏時於商港地下的Pizza 店買了一入外賣Pizza 走出沙灘。一邊吃著Pizza, 一邊欣賞著淺水灣美麗的海景,輕輕鬆鬆地過了一個下午。看著沙灘上不同國籍的大人小孩都能找到樂趣,即使現在不能去旅行,這樣在香港走走吃吃也很不錯吧~

信芯園太陽花節 2021 |超大片太陽花海|最佳太陽花觀賞期|

開始咗啦!開始咗啦!開始咗啦!一年一度既信芯園太陽花季正式開始啦~

今年既太陽花海真係超大片超靚!聽園內姐姐講而家有至少 6 塊花田已經開咗9 成啦~

仲有新品種 – 香檳色既「傲雪」太陽花,真係又靚又高貴。

同往年先入場,然後落花田先收費唔同,今年信芯園入場時會收費$50 (已包括落花田費用)

2021 信芯園 收費

一入園我哋就行到去園嘅最入邊睇今年新引入的香檳色太陽花 「傲雪」, 一片淡淡既粉黃色太陽花真係又高貴又靚。到訪當日喺「傲雪」田旁邊仲有粉紅色既劍蘭田可以欣賞!

信芯園劍今年新引入 香檳色太陽花 「傲雪」

平時新年多數都係睇鮮紅色既劍蘭,粉紅色既真係第一次見~好靚好靚 

粉紅色劍蘭

睇完呢兩種特別顏色嘅花就係時候去睇今日嘅重頭戲 —– 超大片太陽花田!

信芯園太陽花花海

可能因為上年 7 月嚟信芯園嘅時候已經係太陽花嘅第三期花期,

所以今次一開始花季就過嚟真係覺得好靚好靚!

聽園內姐姐講,而家已經有6 塊花田開咗9成啦!

信芯園 向日葵花海

可以係香港睇到咁大範圍嘅花田真係好開心~

雖然仲有一部分既花田仲未可以落田,但係一眼望過去就睇到無盡嘅花海,真心正!

真係估唔到香港都可以望到一個咁正嘅花田。

大家睇花嘅時候一定要小心啲,千祈唔好去拉啲花同摘花呀~~~~~  珍惜珍惜!

————————–

第一期花田最佳觀賞期係4月中至5 月頭,大家趁天氣好可以去睇下。

不過都係記得保持社交距離同記得戴口罩~

————————–

前往信芯園交通方法:

元朗西鐵站對出巴士站乘坐 76K 巴士到「石湖圍」落車,

落車後過馬路沿住前往信芯園指示牌走大約 5-10 分鐘便到達

>>>>> 離開時沿原路走回青山公路新田段乘坐 76K  / 乘坐紅Van (車資$ 8) 出元朗市中心

————————–

純白渡假風西餐廳 Billow Bar Seafood Bistro|小白鷺餐廳 

今次我哋終於去到呢一間超級熱門嘅西餐廳啦!~~即刻去片先!

自從睇到網上好多靚靚打卡相就一直都好想去 Billow 試下但係一直都預約唔到適合既時間,

今次趁天氣好係前一晚上網睇下竟然俾我哋見到朝早 10點半有位! (衝呀~~~)

交通方面我哋就係由大埔墟站坐的士去小白鷺互動中心 (車資$28左右) 就可以係門口落車

一落車真係有一刻以為自己去左旅行,呢間餐廳真係好靚好靚~

純白色既外觀,再加上旁邊種滿棕櫚樹真係好有渡假既氣氛。

Billow 餐廳正門

由於我哋係10點半最早一批入餐廳,所以我哋好好彩可以坐到窗邊

大埔火車景色

餐廳既窗邊位除咗可以湖畔靚景之外仲可以望到火車經過既景色!

係香港真係好難得可以坐定定欣賞到呢個景!

All-Day Breakfast (左), Fish and Chips (右)
邊享用Fish n Chips 邊欣賞火車景色

食完個靚靚Brunch 之後就行出去餐廳旁邊既小花園。早前上網睇係種滿鬱金香,原本以為鬱金香季節完咗就無花睇,點知原來小花園又換上另一品種既花。黃黃紅紅既小花海真係好靚~

Billow 餐廳外觀
餐廳外的四季花園

同時間我哋仲係另一邊見到一小片薰衣草花田,而家未到夏天所以仲未開。

不過相信6月左右就會見到靚靚既薰衣草花田啦!~

準備盛放的薰衣草

之後我哋再沿住花園旁既小路就行到去Billow 既對面,

沿途可以留意下左手邊有無小白鷺既蹤影。

湖畔旁有機會看到小白鷺

到達Billow 既對岸仲可以近距離望到火車,見到好多小朋友咁近距離望住火車都好開心呀~

Billow 餐廳外觀

石澳!重現情人橋| 隱身石澳巷仔西餐廳|

好消息!早2年被「山竹」吹倒既石澳藍橋終於重開啦!重建後既藍橋真係好靚~
今次我哋就以去藍橋影相打卡為目的!同大家一齊出發去石澳一日遊啦!

無錯今次我哋又係坐9號巴士😂 
繼上次我哋係筲箕灣坐9號巴士去鶴嘴海岸保護區後,今次我哋又坐9號巴士,不過係去石澳! 因為我哋要去睇下重建後正式開放既藍橋 (又稱情人橋) ❤️

石澳一日遊地圖

前往石澳既交通方法非常簡單,係筲箕灣A3出口坐9號巴士到石澳總站落車就到達!

如果要好似我哋咁去石澳「情人橋」就係落車後行到迴旋處轉左( 如果去石澳泳灘就轉右),沿住石澳村路行大約15分鐘左右就到。

中途會見到石澳村休憩處,行入去就可以到達石澳泳灘!適逢沙灘重開,大家又可以落水同陽光玩遊戲啦!(謹記要保持社交距離~)

石澳泳灘

係石澳休憩處位置會見到開得好靚既花 (P.S.小心不要打擾到居民)

經過石澳休憩處後一直沿住石澳村道行多大約10 分鐘(中途要上少少斜),就會見到大海啦!!之後落樓梯就會見到以下呢一個靚景~!好正!

石澳新藍橋 (又稱「情人橋」)

之後想再行高啲,係高處回望石澳靚景亦可以好似我哋咁行埋上大頭洲。由藍橋出發都係行多10分鐘左右,就可以回望成個石澳😍😍

樓梯大約只有 3分鐘步程
登上大頭洲後回望石澳

短短15分鐘內完成既路就可以望到呢個靚景真係非常值得!

大頭洲全景

另外另外,係影片尾段有略略介紹私心推薦既一間隱身係石澳小巷既山西餐廳,餐廳位於石澳係天后古廟既附近。餐廳名叫Daphne,確實既位置係影片介紹有得睇!~快啲去睇片啦!❤️

必食炭烤Pizza!,又薄又脆!正🤤

海鮮控仲可以試埋墨汁海鮮扁意粉 (Seafood Linguine) 好好食呀 !!

——-以上絕無廣告成份,100%自費試食分享😂——–

(P.S.所以都唔着墨太多,大家有興趣黎開石澳食西餐絕對可以一試! 應該唔會失望)

石澳情人橋

Shek O Lovers Bridge
https://goo.gl/maps/TAgWJPVKvkM5MPHz8