〖錦田一日遊 〗士多啤梨園| 粉紅色波斯菊花海 |紅磚屋市集| 迷你歐洲小鎮

今個假日我哋會同大家一齊去錦田一日遊,
作為生活係九龍既市區寶寶,平時真係無乜機會入到黎錦田,一直以黎都錯過左呢個但係咁好玩既地方!

首先簡單介紹一下今日既行程

第一站: 錦田鄉村俱樂部 士多啤梨園

第二站: 錦田鄉村俱樂部 粉紅色波斯菊花海

第三站:錦上路跳蚤市場

第四站:錦田紅磚屋假日市集 (特色小店:Angel Candle)

第五站:錦田壁畫村

第六站:迷你歐洲小鎮 盈匯坊

除左以下的文字版本外,Vlog 版本亦已經於我們的Youtube Channel : We4 Travel上發佈
https://www.youtube.com/channel/UCuaLp_-IBBiU8SbJHfos4eA

首先我們於早上十一時左右,由西鐵錦上路站C出口對出的小巴站乘601 / 601B 到北圍村 (車費$5.4 錦田鄉村俱樂部門口下車)

下車後沿着橫幅指示進入錦田鄉村俱樂部,沿途種滿樹木,甚有渡假感覺。到達入口後會見到往士多啤梨園的指示,入場免費。如果想採摘士多啤梨的話可以於入口領取籃子和剪刀,自行入園採摘後再拿回入口處過磅付款即可。 (士多啤梨田上有清楚價格展示, 約$120一磅,據工作人員所說採摘並不設最低消費)

我們於各個士多啤梨田逛了一圈,發現越接近路邊的士多啤梨越細粒(可以較大的都早已被之前的遊人摘去)如果大家希望採摘又美麗又大粒的士多啤梨,推薦大家可以於田的中央較後位置先用眼睛觀察一下,找到合適的再下手!畢竟士多啤梨也是很脆弱的,要保護好他們呀! 不過最最重要的還是早點到達! 人少一點而且選擇也多一點。

註:在逛了一圈後,我們也摘到了大約85元的士多啤梨。寫此文章時正在品嚐!味道非常新鮮而且超!級!甜! 

士多啤梨園摘完後,我們走了幾步便到達同樣為於園內的粉紅色波斯菊花田。那時已經是一點左右,遊人開始多。而且波斯菊花田只有半塊田正開着花,所以很難拍到美美的照片,不過粉紅色的小花朵還是很美麗。如果採完士多啤梨可以順道一看。

看畢波斯菊花田我們便從鄉村俱樂部入口處乘601/601B回錦上路西鐵站。 於西鐵站對出有一個錦上路跳蚤市場,主要售賣生活雜貨、懷舊小物等等,如果有時間可以一逛。

穿過跳蚤市場後,就會見到錦上路西鐵站B出口對開有一條天橋。走過天橋後沿石屎路直走會經過 盈匯坊,不過我們先直行過馬路後右轉往錦田紅磚屋假日市集

進入這個紅磚屋倉庫後,真的有一種到了台南小倉庫的感覺。這個室內假日市集除了售價衣服食品外,亦有不少手作藝術品,懷舊小物,大家可以在這裏尋寶,順道休息一下。

不得不提的是一間隱身於紅磚市集內的小店 —— Angel Candle。這間小店的裝修十分用心,走進店內就像進入了一間歐洲小木屋一樣温暖。 而且店內有手製香薰蠟燭的香氣伴着,令我們感覺十分放鬆。

離開紅磚屋市集後再往前行就正式進入壁畫村。壁畫村內有不同風格的壁畫,慢慢於村內逛逛一定可以找到符合個人風格的壁畫打卡。 不過要留意村內是有村民居住的,在拍照同時亦要注意聲量,不要打擾到村民休息。

參觀完壁畫村就準備結束今天的行程,在沿原路返回錦上路的路上會重新經過盈匯坊。 一轉入盈匯坊,就像進入了一個迷你的歐洲小鎮一樣。環境十分悠閒舒適,可以在這裏吃點小食,喝杯咖啡來完結今天的錦田一日遊。

青衣公園・落羽松

雖然返工放工經常會經過青衣,
但真的很少機會真正走進位於青衣市中心既青衣城鎮公園
早聽說過每年一月開始,種係公園入面既人工湖旁的落羽松就會開始變紅!
所以我哋係 2021 年既第一日就去咗睇下落羽松最新情況,
現場所見落羽松只有少量轉紅,大部分仍處於黃綠色之間。
相信一月中至尾嘅景色會更加靚!

不過反正也來到了青衣公園就即管四圍逛逛吧!

青衣公園距離青衣地鐵站只有10分鐘路程,
由青衣站B出口出發進入青衣城後直行,行至詢問台反轉右直行再轉右
出商場後直行經過天橋即可到達,全程只需10分鐘內就可以到達。

P.S. 由於青衣公園交通十分方便而且鄰近青衣城,補給方便,很多人會來這裡野餐聚會。
公眾假期時經常有人多,帳篷一個貼近一個的情況出現!
所以平日日落時分到達欣賞落羽松可能係比較好嘅時機。

除了落羽松外,青衣公園其實也有很多值得我們欣賞的細節
其中我們覺得最美的就是這個小小的裝飾,配合著種在後面的花真的十分浪漫,
就像置身於歐洲的一個小庭院一樣。

再往前款一點會看到這個比較中式的牆。
一棵修剪得很美的樹正正種植在牆上圓形空心位的正中央,
突然又覺得自己走到了中國的庭院,有種穿梭時空的感覺。

公園中亦有很多綠化的空間,其中最為特別的便要數這棵巨型參天大樹了!
位於公園的正中心,歐陸式的小欄杆的襯托又瞬間帶我們回到了歐洲!
在這裡享受著夕陽照射下來暖暖的陽光,就是一天中最美的時刻。

這次我們的青衣公園遊就先到這裡,一月中我們會再次去到青衣公園為大家更新落羽松最新情報。

流水響水塘|森林中的天空之鏡 – 一月:落羽松

終於嚟到想去好耐都未去到嘅流水響!呢度真係比我哋想像中仲靚仲舒服!
今次我哋無行完全條流水響郊遊徑,只係簡簡單單圍住水塘行
去到水塘嘅對岸 —- 一個十分之靚嘅野餐地點就停低休息,
欣賞美景,之後就原路回程。

首先我哋係粉嶺火車站 C出口對開既小巴總站乘坐 52B 專線小巴係流水響落車
如果唔清楚落車地點,可以係上車嘅時候同司機講,請司機到流水響提醒
見到第一個八仙嶺郊野公園嘅路標就可以準備落車,
第二個既八仙嶺郊野公園路標係喺迴旋處呢個位。

亦都係小巴上落客嘅地方。落車後就開始我哋今日嘅行程!
首先依住指示轉右往流水響水塘。
之後沿住一直行都係好平坦嘅路,上下斜嘅坡度好細。
大約行左 15分鐘左右就會見到流水響郊遊徑既入口,

我哋今次就唔上山所以就選擇左直行圍住水塘行下。

沿住郊遊徑一直行多 5分鐘左右就會見到流水橋,見到呢條橋就即係就嚟到達目的地啦!

沿途都可以望到對岸既景色,綠草如茵景色真係好似去左外國咁!

到達目的地後,映入眼簾嘅就係一條兩旁種滿落羽松嘅路~絕對係打卡嘅好地方!

(聽聞12月尾-1月既時候呢度仲有機會變成紅葉之路)

之後沿住水塘慢慢行,係無風既時候可以好清晰咁望到對岸既倒影!

係一片樹林區之中有如此平靜既水塘景色,唔怪得呢度被稱為「森林中的天空之鏡」 。

欣賞完景色我哋就沿路落返去坐落車地點坐小巴回到粉嶺火車站,
不過由於抵達既時候已經見到好多人係八仙嶺郊野公園嘅路標下面等小巴。
我哋就決定轉左往鶴藪水塘方向行多 15分鐘去到鶴藪村既小巴總站坐 52B小巴出去。

沿途都係平緩既下斜路,經過鶴藪停車場之後轉右行直到見到鶴藪亭轉右入鶴藪村,
小巴站就係係村口位置。

小總結: 由小巴站到水塘落羽松路只係 25 分鐘左右,如果只係簡單影下相就來回只需 1 小時!呢條懶人路線真係好適合快閃郊遊半日遊,景色好似去左外國既湖邊咁靚。如果唔大風既時候坐係水塘邊望住靚靚水塘倒影野餐都係一個好適合一家大細嘅活動。

流水響2020紅葉情報: 未紅,只有十分少量轉黃 (於2020年12月2日)

交通路線:

去程: 於粉嶺火車站C出口對面小巴總站,乘坐52B專線小巴 (流水響- 迴旋處下車)

下車後沿指示牌走 15分鐘到達流水響郊遊徑 入口,
再直行多 10分鐘左右到達流水響水塘

回程:原路回程,於下車地點附近排隊上小巴 52B回粉嶺火車站 / 於下車地點再步行多 15 分鐘到鶴藪村總站上車

(假日比較多人,總站會比較客容易上車)

The Murray 香港美利酒店 住宿報告|香港Staycation 下午茶 & 市集 2021

今次同大家分享既就係香港美利酒店 (The Murray Hong Kong)

呢間酒店係由前政府大樓改建而成既酒店由開幕到而家一直都係影相打卡既熱門景點,

一到達The Murray就已經俾呢座咁靚既建築吸引住!真係好靚! 👉🏻The Murray Klook 優惠主頁 & 預訂

酒店無論係大堂裝修定係建築外形都十分適合情侶/ 閨密黎影相打卡😍

而最重要就係,美利酒店仲係一間 Dog Friendly 既酒店,帶埋狗狗一齊黎Staycation同打卡就更加開心❤️

👉🏻The Murray Klook 優惠主頁 & 預訂

CHECK-in後我哋就時候去食下午茶,由於到訪當日正值聖誕節,所以下午茶都係以聖誕為主題。

一見到個Tea Set就不停影相📸️,因為又係「好聖誕!」

差唔多每件食物都有少少連繫到聖誕呢個主題~真係好用心

食完Tea又行完市集我哋終於入房啦!哈哈

一入房當然都即刻睇下個浴室🛀~ 一入到去真係覺得好靚,白色既雲石配上無鏠浴缸,質感滿分💯

雖然無Rosewood HK 既浴室咁浮誇,但係就比起Rosewood HK有種更加樸實豪華既感覺!

我哋入住既N2 Grand King 房型係望住香港公園!真係好少係呢個角度望落去~ 朝早沖杯咖啡係度望住出面靚景就係一個好美好既早上❤️ 👉🏻The Murray Klook 優惠主頁 & 預訂

如果大家入住既房型係包Mini Bar既話記得試下枝少爺啤!

係Brewed Exclusively for The Murray Hong Kong 嫁!

Staycation唔可以少既仲有早餐!

不得不提The Tai Pan 呢個Semi-Buffet 早餐真係超出我哋既期望

除咗Main Dish 有好多款式之外,連Buffet Area既選擇都十分之多!

我哋因為掛住食所以無影到好多相,如果想睇詳細啲就Click入去睇片啦! 👉🏻The Murray Klook 優惠主頁 & 預訂

==================================

以下係2020聖誕市集情況:

2020 聖誕市集
2020聖誕市集

係市集飲Hot Chocolate 真係令我哋好懷念試年聖誕係 London 既 Winterwonderland 入面既熱朱古力呀

2020聖誕市集

【大棠紅葉2020】元朗大棠楓香林!捉緊紅葉既尾巴 |附前往方法

大棠紅葉情報 (2020年12月28日更新)
大欖郊野公園初段紅葉已經落下,只剩楓香林入口處有幾棵楓香
和後段還有比較大範圍的紅葉可供觀賞。但到訪當日亦見到很多楓香樹開始落葉

今次我哋一大早就去到大棠睇下啲紅葉既情況,
由於我哋比較早既時間入去所以都唔算多人。
再訪大欖郊野公園,睇到初段既楓香樹有部分已經開始落葉🍂

之後去到涼亭位置雖然都有好靚既紅葉,但係真係太多人

所以我哋就繼續向前行,行到落去入啲既位置

十二月尾既楓香又紅又黃咁真係好靚!!

不過一邊行既時候都見到楓香開始慢慢飄落,
相信今年既大棠紅葉季應該好快就會完結。
希望下年我哋可以去其他國家睇楓葉啦!!

P.S.大家去大棠時盡量唔好自己揸車去,減少帶俾居民既麻煩~!
仲有仲有!就係記得唔好除低口罩呀!


2020香港紅葉情報: (2020.12.7更新)

少量楓香轉紅,涼亭位置紅葉多數介乎綠,黃之間。

但可以拍攝到一張照片裏有綠,黃,紅的楓香亦是另一種體驗季節轉變的美。


前往方法: 

K66巴士

朗屏西鐵站B1出口下樓梯後依指示前往K66巴士站,到大棠山道下車 

紅Van

於元朗千色廣場對面乘坐紅Van 到大棠山道下車 

1)下K66巴士 或 紅Van後再沿大棠山道上斜大約20分鐘到達分叉路口

2)經樓梯 或 斜路都可以到達大欖郊野公園燒烤場(停車場&補給位) 

3)再沿路上斜進入大欖自然郊遊徑再依指示步行20分鐘即到達楓香林

離開方法: 原路回K66巴士 或 紅Van下車點對面乘坐紅Van 或 K66巴士回元朗市中心/朗屏

【香港郊遊】城門水塘主壩|荃灣市中心出發|菠蘿壩自然徑|多個影相打卡位

門水塘是一個全年都適合一家大細郊遊的好地方,
距離荃灣市中心乘小巴只係20分鐘左右車程就到達城門水塘入口。
全程只有少量梯級,路線大致平坦,即使新手亦可以輕鬆完成

城門水塘郊遊


菠蘿壩自然徑既前段(約1.5小時)十分精彩,有白千層大道塘畔美景,大草原等等。
後段較多上下斜坡,不過慢慢走亦可以於1小時左右走完。


即使不於分叉路口中選擇登上觀景台,亦可以於沿途的小觀景台上俯瞰水塘美景。到達城門(銀禧)水塘主壩後更可以一睹這個法定古蹟的宏偉壯觀。最後回到起點上82號小巴便可以回荃灣市中心,結束行程。(全程連影相3個小時左右)

廣告


/城門水塘郊遊路線/

起點: 眾安街和兆和街交界乘82號小巴於總站城門水塘下車

沿菠蘿壩自然徑步行30分鐘 —-》 白千層大道
再步行15分鐘 —》 塘畔白千層美景 (打卡必到!)
再步行30分鐘 ——》 大草原美景!欣賞水面倒影(打卡必到!x2)
再步行30分鐘 ——》 小觀景台俯瞰水塘景
再步行20分鐘 ——》 到達城門水塘主壩
最後沿車路走20分鐘左右回起點

終點: 小巴下車處坐回82號小巴扺達荃灣市中心
全程連拍照大約3小時

廣告

注意⚠️ 沿到會偶遇猴子請千萬不要打擾猴子!不要嘗試餵他們!
沿途儘量不要進食❌靜靜地欣賞美景和猴子保持安全距離✅


【聖誕燈飾2020】 尖沙咀聖誕燈飾大合集

尖沙咀聖誕燈飾:K11 Musea、海港城、尖東海旁、1881、半島酒店燈飾
一起來個尖沙咀半日遊吧!

不能出外旅遊,就在香港過聖誕吧!
每年一到十二月聖誕燈飾就會一一掛上,其中最多燈飾集中的地方就是尖沙咀!
一起看看今年 2020 年的聖誕燈飾吧!