尋找山頂纜車之旅|港島纜車徑打卡影相熱點

第五代山頂纜車要退役啦!係6月28號之前同大家作最後告別,而且係退役前仲換上告別新裝。6 月28 日之後山頂纜車就會停駛6個月更換車廂。

趁山頂纜車告別之前我哋就行左港島既纜車徑,邊行邊影相打卡

其實走完纜車徑(由堅尼地道至梅道纜車站), 連影相時間只係需要大約 1 小時,

短短一條纜車徑就可以從唔同角度欣賞山頂纜車,真係好值得!

正式開始由香港公園出發,經紅棉道依指示到達山頂纜車站。

開始沿纜車徑往上行,經過Peak Tram Cafe。

有咖啡有小食,仲可以係室內望出去見到纜車駛過既場面,咁就可以係室內都舒舒服服睇纜車。

Peak Tram Cafe 山頂纜車咖啡店

經過Peak Tram Cafe 之後,繼續向上行就會到達堅尼地道,

係堅尼地道可以欣賞纜車駛過橋既場面

堅尼地道山頂纜車影相位

過馬路後會見到一條小樓梯,沿樓梯直上一直行就會到達麥當勞道

係麥當勞道可以從見到纜車從金鐘駛向山頂

麥當勞道山頂纜車影相位

到達山頂纜車站 – 麥當勞道後

麥當勞道山頂纜車站影相位

於麥當勞道沿斜路一直上再轉右行樓梯到達馬己仙峽道

馬己仙峽道亦有另一個山頂纜車影相位,可以見到長長一條向上既纜車

馬己仙峽道道山頂纜車影相位

繼續向上行!由馬己仙峽道轉入蒲魯賢徑再轉入高化利徑就會到達梅道,亦係山頂纜車既下一站。

梅道山頂纜車站影相位

從梅道山頂纜車站可以近距離欣賞纜車穿過天橋既場面

梅道山頂纜車站影相位

由於再行上去山頂纜車既最後一站有少少遠~所以今次我哋無去到,希望下次更氣涼爽啲我哋再戰!! 今次短短既纜車徑就係呢度結束,可以由原路返香港公園又或者回馬己仙峽道坐小巴落中環站。