隱藏於荔枝角公園的神秘小角落|童話世界與「嶺南之風」中式庭園

想不到荔枝角公園內有一個神秘的小角落,

在陽光普照的日子就是應該到空曠的地方走走,呼吸一下新鮮空氣吧!

公園內的「嶺南之風」也很美,像一個中式庭園,

而且空間也很大,可以慢慢走走,看看紅葉。

穿梭於被樹木包圍的地方令十分放鬆!

前往神秘小花園方法:

在荔枝角公園找到極限運動場後,沿著極限運動旁邊的小斜坡往下走。

一直走到最底後轉左就會看到這個迷你小花園

雖然花園真的很迷你但佈置很用心,就像一個小小的童話世界一樣。

而且更有用花做成的心心可供情侶影相打卡!

2月情人節快到了,是時候想想節目了~

如果最近太常行山,想到市區的小公園逛逛其實這裡也很不錯!

除了小花園外,其實荔枝角公園還有一個名叫「嶺南之風」的中式庭園,

在裏面除了有蓮花池外還有很多中式建築,而且人造湖旁還種了落羽松。

最近的落羽松已經完全變紅而且開始落葉,要去觀賞就要盡早了。

人造湖的湖面平靜,還能看到湖上的倒影,可以於城市中有這樣一個公園也是很幸福

如果想在高位欣賞這個公園也可以走上觀景台,

在這裡可以看到全個「嶺南之風」的景色。

流水響水塘|森林中的天空之鏡 – 一月:落羽松

終於嚟到想去好耐都未去到嘅流水響!呢度真係比我哋想像中仲靚仲舒服!
今次我哋無行完全條流水響郊遊徑,只係簡簡單單圍住水塘行
去到水塘嘅對岸 —- 一個十分之靚嘅野餐地點就停低休息,
欣賞美景,之後就原路回程。

首先我哋係粉嶺火車站 C出口對開既小巴總站乘坐 52B 專線小巴係流水響落車
如果唔清楚落車地點,可以係上車嘅時候同司機講,請司機到流水響提醒
見到第一個八仙嶺郊野公園嘅路標就可以準備落車,
第二個既八仙嶺郊野公園路標係喺迴旋處呢個位。

亦都係小巴上落客嘅地方。落車後就開始我哋今日嘅行程!
首先依住指示轉右往流水響水塘。
之後沿住一直行都係好平坦嘅路,上下斜嘅坡度好細。
大約行左 15分鐘左右就會見到流水響郊遊徑既入口,

我哋今次就唔上山所以就選擇左直行圍住水塘行下。

沿住郊遊徑一直行多 5分鐘左右就會見到流水橋,見到呢條橋就即係就嚟到達目的地啦!

沿途都可以望到對岸既景色,綠草如茵景色真係好似去左外國咁!

到達目的地後,映入眼簾嘅就係一條兩旁種滿落羽松嘅路~絕對係打卡嘅好地方!

(聽聞12月尾-1月既時候呢度仲有機會變成紅葉之路)

之後沿住水塘慢慢行,係無風既時候可以好清晰咁望到對岸既倒影!

係一片樹林區之中有如此平靜既水塘景色,唔怪得呢度被稱為「森林中的天空之鏡」 。

欣賞完景色我哋就沿路落返去坐落車地點坐小巴回到粉嶺火車站,
不過由於抵達既時候已經見到好多人係八仙嶺郊野公園嘅路標下面等小巴。
我哋就決定轉左往鶴藪水塘方向行多 15分鐘去到鶴藪村既小巴總站坐 52B小巴出去。

沿途都係平緩既下斜路,經過鶴藪停車場之後轉右行直到見到鶴藪亭轉右入鶴藪村,
小巴站就係係村口位置。

小總結: 由小巴站到水塘落羽松路只係 25 分鐘左右,如果只係簡單影下相就來回只需 1 小時!呢條懶人路線真係好適合快閃郊遊半日遊,景色好似去左外國既湖邊咁靚。如果唔大風既時候坐係水塘邊望住靚靚水塘倒影野餐都係一個好適合一家大細嘅活動。

流水響2020紅葉情報: 未紅,只有十分少量轉黃 (於2020年12月2日)

交通路線:

去程: 於粉嶺火車站C出口對面小巴總站,乘坐52B專線小巴 (流水響- 迴旋處下車)

下車後沿指示牌走 15分鐘到達流水響郊遊徑 入口,
再直行多 10分鐘左右到達流水響水塘

回程:原路回程,於下車地點附近排隊上小巴 52B回粉嶺火車站 / 於下車地點再步行多 15 分鐘到鶴藪村總站上車

(假日比較多人,總站會比較客容易上車)