【大嶼山露營車】 海迎灘 BBQ 露營車|2日1夜露營車真實體驗

等左兩年都仲未有得去旅行,出去露營又熱,酒店Staycation 又去得太多有啲悶。

小編同朋友成日都想試下住外國好流行既露營車!近年露營車場地愈開愈多,錦田、長沙、貝澳等地都係露營熱門地方。小編左揀右揀之後,最後都係決定去「海迎灘」

海迎灘」以及其他露營資訊可參考 《最新香港露營合集(2021-2022 持續更新)

廣告

大嶼山長沙露營車
海迎灘

海迎灘位於大嶼山長沙,選擇佢既原因係因為海迎灘位置真係好近長沙泳灘!

住得露營車當然想同陽光玩遊戲!
由海迎灘一行出去就係長沙泳灘,咁就玩完水返去訓覺再BBQ 直落都無問題。

影片分享:

Youtube Channel : We4 Travel
廣告

海迎灘Welcome Beach
/ 場
地介紹 /

海迎灘係位於大嶼山長沙海灘附近,由東涌去海迎灘坐的士都只係大約 HKD$ 70-90 (4個人一齊去係假日仲平過坐巴士)係東涌買哂補給之黎再坐的士入去就剛剛好啦~

就係呢個景色令我哋係眾多露營車營地中選擇左「海迎灘 Welcome Beach」

即使今年夏天唔能夠出外旅遊,但入到黎「海迎灘」,係藍天白雲、一排棕櫚樹嘅襯托之下,整個環境就好似去左海島渡假一樣。

營地總共有十架露營車,分別有2人、4人、5-6人車。

廣告

雖然營地整體面積唔算大,但由於最多都係十架露營車,即使全部爆滿都係最多 40 人使用營地,唔怕會變成人逼人,無哂渡假氣氛。

行到呢個海濱休憩區可以欣賞到長沙海灘既靚景,既適合影相打卡,又可以吹下海風曬下太陽,影出黎既畫面真係唔似係香港,好夢幻~



成個營地入面其實我哋最中意既就係呢個梳化位,除咗可以望坐海邊沙灘,仲可以坐係有遮陰位同朋友傾計,好似去左渡假,悠閑咁過一個下午。


早上天氣可能太熱,夜晚先係出邊同朋友傾下計飲下嘢都幾Chill~

廣告

我哋夜晚係出面逗留都一陣都唔覺有超級多蚊,營地應該有噴到蚊水~

一朝早訓醒就可以係車窗望到外面既靚景,真係不得了!

之後再係車入面煮返個靚靚早餐,拎出去對住個海食 (P.S.鐵板係自備嫁!如果想租電磁爐燒肉板都可以係接待處租借,但係就唔係圖中呢個樣既~~)

又或者乖乖地坐返係露營車出面食都好有 Feel ~

廣告

講開餐具,Check-in 時係接待處交左按金後就可以得到呢一籃餐具。入面會有張紙記錄住每款餐具有幾多份,Check-out 時記得數清楚,洗乾淨先交還呀~ 其實網上見到仲有其他廚具可以免費租借,大家可以係去之前睇下官網 ( P.S. 如果想租借鐵板燒肉就要額外俾錢啦!至於係車外用電磁爐就視乎唔同車型而定)

海迎灘Welcome Beach
/ 長沙泳灘
/

長沙泳灘

由海迎灘營地行出沙灘只係需要 5分鐘(其實由露營車出黎一行過木閘就已經到達沙灘)

如果假日想避開其他人仲可以一早就行出沙灘係 接近3公里長既長沙海灘散步,之後先食早餐。享受一下早上超級寧靜既沙灘都係一個好唔錯既體驗。

廣告

潮退時更會有機會影到「天空之鏡」既靚景!!!

長沙泳灘 「天空之鏡」



海迎灘Welcome Beach
/ 小總結
/

總括嚟講,海迎灘露營車都係一個好難得嘅體驗。
不過由於佢哋得10架車,所以假日好多時要一早預約先有機會玩。

除咗海迎灘之外,其實香港仲有好多其他露營車(例如:Park Nautre,JK Club等)可以試吓!而且近年仲愈開愈多其他露營活動,好似近期好Hit 嘅 Glamping 同車頂營咁。即使無得去旅行都可以一齊 Go Wild !


海迎灘資訊可參考 《最新香港露營合集(2021-2022 持續更新)

我哋仲會繼續去嘗試唔同嘅 Camping 活動!
大家記得留意住我哋個Blog 同埋Youtube Channel ,一齊探索下夏日香港好去處!


海迎灘Welcome Beach
/ 場地資訊
/

大嶼山露營車 — 海迎灘
網站:http://welcomebeach.com.hk
地址:大嶼山上長沙海灘 海迎灘

Tel: 28909980
Whatsapp: 90606220