〖香港露營〗 海迎灘 BBQ 露營車|2日1夜 冷氣露營車真實體驗分享|

等左兩年都仲未有得去旅行,出去露營又熱,酒店Staycation 又去得太多有啲悶。

小編同朋友一直都很希望試一試在外國十分流行的露營車!而近年露營車場地亦愈開愈多,錦田、長沙、貝澳等地都是露營的熱門地方。

左揀右揀之後,最後小編們決定到「海迎灘」初嚐沙灘露營!

文章目錄:

1. 海迎灘 影片分享
2. 海迎灘 營地介紹
3. 海迎灘 露營車設備
4. 海迎灘 綜合評價
5. 海迎灘 營地資訊



海迎灘」以及其他露營資訊可參考 《最新香港露營合集 2022

大嶼山長沙露營車
海迎灘

海迎灘位於大嶼山長沙,選擇佢既原因係因為海迎灘位置真係好近長沙泳灘!

住得露營車當然想同陽光玩遊戲!
由海迎灘一行出去就係長沙泳灘,咁就玩完水返去訓覺再BBQ 直落都無問題。

影片分享

Youtube Channel : We4 Travel

海迎灘 Welcome Beach
營地介紹

海迎灘係位於大嶼山長沙海灘附近,由東涌去海迎灘坐的士都只係大約 HKD$ 70-90 (4個人一齊去係假日仲平過坐巴士)係東涌買哂補給之黎再坐的士入去就剛剛好啦~

就係呢個景色令我哋係眾多露營車營地中選擇左「海迎灘 Welcome Beach」

即使今年夏天唔能夠出外旅遊,但入到黎「海迎灘」,係藍天白雲、一排棕櫚樹嘅襯托之下,整個環境就好似去左海島渡假一樣。

營地總共有十架露營車,分別有2人、4人、5-6人車。

雖然營地整體面積唔算大,但由於最多都係十架露營車,即使全部爆滿都係最多 40 人使用營地,唔怕會變成人逼人,無哂渡假氣氛。

行到呢個海濱休憩區可以欣賞到長沙海灘既靚景,既適合影相打卡,又可以吹下海風曬下太陽,影出黎既畫面真係唔似係香港,好夢幻~


成個營地入面其實我哋最中意既就係呢個梳化位,除咗可以望坐海邊沙灘,仲可以坐係有遮陰位同朋友傾計,好似去左渡假,悠閑咁過一個下午。

Klook.com

早上天氣可能太熱,夜晚先係出邊同朋友傾下計飲下嘢都幾Chill~

我哋夜晚係出面逗留都一陣都唔覺有超級多蚊,營地應該有噴到蚊水~

一朝早訓醒就可以係車窗望到外面既靚景,真係不得了!

之後再係車入面煮返個靚靚早餐,拎出去對住個海食 (P.S.鐵板係自備嫁!如果想租電磁爐燒肉板都可以係接待處租借,但係就唔係圖中呢個樣既~~)

又或者乖乖地坐返係露營車出面食都好有 Feel ~

講開餐具,Check-in 時係接待處交左按金後就可以得到呢一籃餐具。入面會有張紙記錄住每款餐具有幾多份,Check-out 時記得數清楚,洗乾淨先交還呀~ 其實網上見到仲有其他廚具可以免費租借,大家可以係去之前睇下官網 ( P.S. 如果想租借鐵板燒肉就要額外俾錢啦!至於係車外用電磁爐就視乎唔同車型而定)

海迎灘Welcome Beach
/ 長沙泳灘
/

長沙泳灘

由海迎灘營地行出沙灘只係需要 5分鐘(其實由露營車出黎一行過木閘就已經到達沙灘)

如果假日想避開其他人仲可以一早就行出沙灘係 接近3公里長既長沙海灘散步,之後先食早餐。享受一下早上超級寧靜既沙灘都係一個好唔錯既體驗。

潮退時更會有機會影到「天空之鏡」既靚景!!!

長沙泳灘 「天空之鏡」


海迎灘Welcome Beach
小總結

總括而言,「海迎灘露營車」是一個十分難得的香港露營體驗。
如果想體驗在海邊露營,但又想輕輕鬆鬆在冷氣地方休息,可以試一試以露營車作為露營初嘗試的第一步。 不過要注意由於場地只有10輛露營車,所以假日要一早預約才有機會入住。

除海迎灘之外,其實香港近年亦有很多不同款式的露營車(例如:Park Nautre,JK Club、浪高長岸等)而且仲愈開愈多 收費露營 場地,還有很多近期大熱的 Glamping 同車頂營,即使暫時未能去旅行都可以 Go Wild !


海迎灘Welcome Beach
/ 場地資訊
/

大嶼山露營車 — 海迎灘
網站:http://welcomebeach.com.hk
地址:大嶼山上長沙海灘 海迎灘

Tel: 28909980
Whatsapp: 90606220

我哋仲會繼續去嘗試唔同嘅 Camping 活動!
大家記得留意住我哋個Blog 同埋Youtube Channel ,一齊探索下夏日香港好去處!


❤️ 更多最新「香港好去處」文章:

👉🏻 〖山頂〗2022 全新山頂纜車重開|影相打卡位推介|山頂好去處
👉🏻 〖梅窩・遊〗隱世塘畔Cafe – The Hideout、銀鑛灣瀑布、沙灘賞日落
👉🏻 〖香港露營〗豪華冷氣露營地、星空營、露營車推薦|親身體驗
👉🏻 〖香港迪士尼〗2022 煙花全攻略!「迪士尼星夢光影之旅」
👉🏻 〖西貢住宿〗入住西貢海景露台房(穿梭巴士/房間介紹/附近餐廳)
👉🏻 〖西貢深涌〗水浪窩往深涌草原 – 3小時輕鬆易行郊遊路線
👉🏻 〖烏溪沙〗泥涌石灘 – 輕鬆前往「天空之鏡」!2大無敵海景石灘
👉🏻 〖香港秘景〗馬灣隱世沙灘|大嶺頭郊遊徑 – 飽覽青馬大橋靚景|日落好去處