西貢新地標!海下遊客中心 – 打卡日式庭院 |海下灣海岸公園全攻略

西貢終於有全新地標!2021年6月開幕的西貢海下遊客中心位於海下灣海岸公園的入口。整座建築以木為主題,帶有日式庭院風格,絕對是一個適合影相打卡的新地標。

Youtube: We4 Travel

從西貢前往海下灣海岸公園公園的方法很簡單,可於西貢公共小巴總站乘 7 號綠色小巴到總站 (如希望到訪遊客中心可告之小巴司機,於總站前一站下車),小巴車費全程 $13.1 。另亦可乘的士前往,車程大約20分鐘 ~車資大約為港幣$120 。

西貢小巴總站
廣告

海下遊客中心以木材為主角,旁邊的混凝土牆亦使用了近期大熱的清水木紋混凝土牆身。這種牆身是在建造過程中使用天然木板為模具,再澆入混凝土凝固後拆模而成。清水混凝土是由日本興起的一種建築方法,在這座極有日式庭院風格的建築物日使用上此技術令整座建築更融入大自然,更具「襌」意。

海下遊客中心除了可以影相打卡外,內部亦有不少有趣的活動。遊客中心提供了海下灣海岸公園的歷史和保育資訊,亦有互動區域。其中一個互動區域是透過電子平板了解更多海洋生物的資訊,而另一個互動區域則是遊客可透過虛擬實景 (VR) 眼鏡從影片中跟著潛水員一起探索海下灣的海下生態。

從海下遊客中心的閘口離開後可以往下走重新接回海下路。走到海下路的盡頭便是迴旋處,亦是綠色小巴 7 號 (西貢 <———> 海下) 的總站。

海下小巴總站

從小巴站對面沿路走入海下村,沿途會見到數間士多出租水上活動用品 (獨木舟、直立板、浮潛用具)供遊客出海。除租借水上用品外,士多亦會提供沖身設施和儲物櫃等等。

如果不打算出海遊玩,沿著海下村經海下水上活動中心方向走亦可以走到沙灘,沙灘雖然面積不大,主要是作為水上活動的上落位。但由於海下灣區域為保育區,水質清澈,所以亦見有遊人在沙灘淺水區嬉戲。

海下灣沙灘

經過沙灘後再繼續沿步道向前走會見到海下灣海岸公園的另一景點 — 石灰窟。

海下石灰窟
廣告

從石灰窟位置繼續往前走大約 10 分鐘會到達第一個分叉路口,在此處往下走可到達碼頭。碼頭的左邊可回望沙灘,右邊則是珊瑚群落。當日小編見到碼頭附近水質十分清澈,有不少人在浮潛。P.S. 記得要保護環境!遵從海岸公園的規則,不要觸摸更用腳踩 。

由碼頭重回分叉路口往西貢灣仔方向繼續前行大約 10 分鐘即可到達由世界自然(香港)基金會營運的海下灣海洋生物中心。海洋生物中心建於海中央,由步道轉入中心雖走過一條短短的行人橋,令人有種在海中央行走的感覺。

廣告

海洋生物中心免費入場,中心內有少量海洋生物標本和一些海洋生態資訊。如果有參加導賞團的話更可以乘坐香港首架玻璃底船,輕輕鬆鬆一探海下灣的海底生態。

廣告

KLOOK 預定優惠:【海下灣半日遊】海下灣海岸公園+玻璃船生態探索

最後由海洋生物中心重回步道可選擇繼續前行往西貢灣仔營地又或者沿原路回程到海下路乘小巴離開。

廣告

大澳水鄉花燈節 (2021年更新)|中秋賞月好去處

[2021.09.01 更新] 今年大澳水鄉花燈節將會係 2021年 9 月11日正式進行亮燈!即刻去片睇住上年嘅花燈有幾靚先啦!~

YouTube Channel: We4 Travel

【大澳水鄉花燈節2021】Tai O Lanterns Festival 2021
活動時期 :2021年 8月至 10月 (資料來源:⼤澳非茂⾥)

大澳水鄉花燈節2021 (圖片來源:⼤澳非茂⾥


【大澳水鄉花燈節2021】 活動詳情

2021年 8月至10月 – ⼿繪畫花燈⼤會 & 體驗團及⼯作坊

2021年 9月11日 (5:00 – 9:00 PM) – 花燈節巡遊 & 開幕典禮 & 亮燈儀式
大澳花燈亮燈日期:由2021年9 月1日 至 2021年 9 月30 日 (每晚6:30-9:00pm)

2021年 9月12日 – 秋月音樂祭
地點:大澳鄕事委員會廣場
時間: 下午3:00 – 晚上8:00

攝影比賽頒獎禮及相展分享會
10月(時間丶地點待定)

主辦機構:
⼤澳非茂⾥、香港開⼼D 策略夥伴|
花MI貓、駿義龍贊助機構|
伍集成文化教育基金會鳴謝|
大澳鄕事委員會

廣告


2020年大澳水鄉花燈節

大澳水鄉花燈節2020 – 部分地標

2020年的大澳水鄉花燈節最令小編難忘的就是在大澳文物館走回大澳市中心經過的石仔埗街(位置大約是在舊大澳消防局附近一個茶水檔)這邊除燈籠外,還有一組寫著大澳二字的仿霓虹燈,還有多個變色LED兔仔燈飾。整個佈置十分有心思氣氛,更有機會巧遇還大澳原住民小朋友替遊人影相!

大澳水鄉花燈節2020 – 石仔埗街

經過LED兔仔燈飾後再向舊大澳消防局方向走,一路沿住石仔埗街都會見到十分多燈籠以「之字型」方法掛在棚屋棚屋之間,極具氣氛。

廣告
大澳水鄉花燈節2020 – 石仔埗街

一直沿石仔埗街經大澳街市走回大型壁畫廣場後,轉入吉慶街就會見到一整條燈籠街,燈籠的排列由「之字型」既燈飾變成打直三行既佈置。

大澳水鄉花燈節2020 – 吉慶街

之後再繼續行入去就會見到呢間東京士多,行入小路會見到另一個打卡位 —- 東京碼頭!
(千萬不要錯過早上天還是亮時的東京碼頭,配合棚屋、小船真的美得像畫)

大澳東京士多

早上在這邊走和晚上亮燈後完全是截然不同的感覺。整個晚上到了大澳的大街小巷穿梭後,發現這邊就是最多最多燈籠亦是最多遊人停下影相的地方。看著這麼多的燈籠上畫希不同的圖案,真的能感受到大澳居民的熱情,謝謝他們總是為香港的中秋節增添樂趣。

廣告

看畢大澳非茂里附近燈籠裝飾,小編亦要踏上回家之路~

回程多數人也是選擇於大澳巴士站總站坐返 11 號巴士回東涌。和去程一樣,於大澳花燈節期間即使是平日晚上,大約 7 點半已經有不少遊人排隊等巴士,如果希望順利上車就記得要早一點排隊等車。

以下附上 11 號大嶼山巴士 ( 大澳 –> 東涌 ) 時間表 (攝於2020年9月)

大澳往東涌巴士時間表 (大嶼山11號巴士)

香港海洋公園|最抵優惠!折後每位成人$249即可入場(附購買海洋公園門票攻略Klook超抵優惠、預約入場教學) |香港人的回憶

香港海洋公園入口 (圖片來源:香港海洋公園)

說起香港海洋公園,大家除了想到大熊貓和威威司令外,應該亦會想起它的機動遊戲。小編中學時代最常和一大班同學朋友於暑假時到訪海洋公園,即使排上短則一小時,長則兩、三小時的隊伍亦要坐上的就是那個看起來就怕怕的過山車 — 「越礦飛車」,而另一經典機動遊戲「滑浪飛船」亦是另一考驗友誼的遊戲 — 到底誰坐在前方為後方的朋友都擋著迎面而來的水花?另外已投入服務達20年的「極速之旅」(跳樓機) 亦是小編一直不敢玩的遊戲。

不過隨著香港海洋公園的改革即將展開,上述3個園內經典的機動遊戲亦要停止運作 (「極速之旅」及「越礦飛車」,「滑浪飛船」將運作至2021年8月31日)如果大家想和這幾個盛 著童年回憶的機動遊戲說聲再見,就記得要趁最後幾天入場啦~

香港海洋公園門票優惠


小編發現Klook 購買海洋公園門票**比官方網站便宜,一張成人門票只需港幣$360更附送$60園內消費券,而且可以即日購票,即買即用 ,非常扺玩 👉🏻即上klook訂購香港海洋公園門票

🔥Klook 海洋公園門票優惠 *(附港幣$60 園內消費券)

🔥🔥klook 海洋公園票價優惠 :成人$360 、小童$195 門票包括:

海洋奇觀 (圖片來源: Klook 官網)
  • 1張香港海洋公園門票
  • 可享總值園內現金券(成人門票包括 – 包含1張價值 HK$30 購物電子現金券,及1張 HK$30 餐飲電子現金券 / 小童門票包含1張 HK$30 購物電子現金券)


*此優惠門票不可升級至「智紛全年入場證」


(由於疫情關係園內限制入場人數,記得於訂購門票前到海洋公園官網預約入場人數,免得購票後不能進入)



❤️另外另外! 本文重點優惠 – 低至成人低至$249 (小童低至$188) 包一日海洋公園門票連添好運點心套餐/樂園美食券再加單程接送

👉🏻🔥即上Klook 訂購海洋公園門票連餐飲套

香港海洋公園登山纜車 (圖片來源:Klook官網)

套票內容包括:

  • 海洋公園一日任玩門票 (為客人預先代辦入場登記, 確保入場)
  • 單程豪華旅遊巴士及專業導遊服務 行程於海洋公園解散,讓閣下有充足時間遊覽樂園請客人自行安排回程交通
  • 海洋公園高級套餐美食券 (可於指定餐廳換取一份主菜,一杯軟飲及一份甜品) : 指定餐廳包括: 水都餅店 (海濱樂園),熊貓薈 (海濱樂園),灣景餐廳 (高峰樂園),海洋冰室 (高峰樂園)
  • 添好運: 品嚐十款不同精美點心餐
套票包括添好運精美點心 餐單
(圖片來源: Klook 官網)

行程簡介:

港鐵香港站地庫一層12A舖添好運門口
  • 時間:09:00

此為暫定的集合時間,商家將於出發前以電郵/電話確認最終集合時間

  • 如何前往:港鐵香港站 F 出口, 步行約1分鐘

🔥👉🏻即上Klook 以優惠價訂購香港海洋公園連餐飲套票

[2021.08.28更新] 9月份星期三、星期五六日大部分日子仍有供應

[暑假限定] 海洋公園 + 美食 (包入場登記及旅遊巴) 9月份可選日子

🔥🔥題外話,klook現正與HSBC Payme合作,於Klook網站消費滿$500再以Payme付款可以即減$50 。抵上加抵!

**此優惠只適用於香港香港身份證持有者,另外根據政府規定,所有團友上落旅遊巴時必須掃描「安心出行」二維碼。

香港海洋公園預約入場教學

進入香港海洋公園官方網頁後可跟據自己情況選擇類別:
(門票持有人 / 生日免費門票/稍後購票 / 智紛智員)

香港海洋公園官網預約入場 – 門票類別

廣告
香港海洋公園官網預約入場 – 人數及入園日期

選擇入園人數和入園日期後可向下滑動填寫個人資料

香港海洋公園官網預約入場 – 登記資料

登記資料後按下提交按鈕,網頁會轉到另一頁面,可屏幕截圖 QR Code / 於電子郵箱取得QR Code, 於入場時出示樂園職員即可入場。


香港海洋公園 地址:
香港仔黃竹坑道一百八十號



活化後的中環街市|全新中環美食廣場 (附前往中環街市方法)

經活化後中環街市於2021年 8 月23 日正式開幕,可於以下影片先睹為快

Youtube Channel: We4 Travel
圖片來源:https://www.centralmarket.hk/en/

香港中環街市,曾經被稱為「南亞最大市場」。 街市自 1842年開始營業,中間經歷過多次重建、改造,1990年被列為三級歷史建築並於2003年正式停運。政府於2009年決定環重建中環街市,曾有報導指建築團隊有意打中環街市打造成「飄浮綠洲」,但由於考慮到建築物承載能力和結構安全而需要更改設計。2021年,全新的中環街市終於完成活化正式對外開放,主題為「Playground For All」

前往中環街市可於皇后大道中入口從地面進入,又或者可以從港鐵「香港站」E出口經國際金融中心一期 (IFC),走過天橋步行大約5 分鐘直達中環街市2樓 – 24小時通道 (連接往半山扶手電梯)。

中環街市樓高3層,地下最底層為室內美食廣場,中間一樓以零售店舖為主有售賣傳統懷舊小食小店以及一間比較大型室內咖啡廳,而最高的二樓沿24小時通道則為「中環食街」,有各種街頭小食。

說起中環街市,相信大家都會想起這條極具標誌性的水磨石大樓梯。原本的設計中,這條大樓梯並沒有中間的扶手,但由於現今消防條例所限設計團隊唯有為樓梯加上中間扶手。雖然這樣的設計的確令這條標誌性的樓梯顯得失色,但有時候或許說是要在美觀與安全之間取得平衡。

除了一前一後的水磨石大樓梯外,館內其實不難發現多個從昔日街市遺留下來的痕跡。細心一看,牆上保留多個舊日街市的標記。而昔日街市的13個檔口亦得以保留,檔口內的間格、裝置都和以前一樣,如果想了解更多舊日街市小故事可以用手機掃牆上 QR Code 登上中環街市網頁。

待續。。。

中環街市
地址:香港中環皇后大道中93號及德輔道中80號
電話:3618 8668

更多資訊可瀏覽 中環街市網頁

【期間限定】尋找舊香港足迹|龍鬚糖、糖蔥餅即場製作+試食

期間限定!今次我哋去既係一個以舊香港為主題的展覽是位於太子基隆街一座即將重建既騎樓建築。展覽名為「舊香港•融舊-藝術概念館」 ,為期 2 星期 (2021 年8月13至8月27日)大約分為 2 個展館,以新式方法將舊香港的事物重新呈現,希望藉此繼續傳承香港文化精神。 展館內有唔少影相打卡位,仲有即場製作既懷舊小食 – 龍鬚糖、糖蔥餅可以試食!

館內六大影相打卡位分別係舊信箱牆、鳥籠露台、霓虹燈牆、舊招牌牆、書法牆以及「時代見証」舊照片隧道

首日現場已經人頭湧湧,如果假日去到可能都要預時間排下隊先入到場

現場仲有師傅即席製作懷舊小食 — 龍鬚糖、糖蔥餅,有機會近距離欣賞兩款懷舊小食製作,入場人士更可以免費取一份小食 (亦可自行捐款支持文化保育)

除咗影相打卡位外,場內亦展出收藏的舊物件,由小朋友的書本字典到日常生活的收音機、熱水壺等亦有展出。

甚至有五、六十年代至七十年代使用的大門的演變和街頭書法家李漢先生書寫的文字亦有展出。另一展館內有投影區,可以從3面投影牆中見到香港的轉變,更可於體驗館親身體驗一下以前香港嘅居住環境。最後可以欣賞這個既 Instagram-able 又能記錄歷史的「見証時代」照片牆
「見証時代」
你會否留下?

展覽詳情:
舊香港•融舊-藝術概念館
活動日期:8月13至8月27日
活動時間:星期一至五 1pm至9pm、星期六日及公眾假期12pm至9pm
地點:太子基隆街1至7號地下

香港迪士尼樂園酒店 Staycation 國賓廳住宿報告 – 走入迪士尼奇妙世界

香港迪士尼樂園酒店 Disneyland Hong Kong Resort
房型: 國賓廳海景露台客房 👉🏻Klook 預訂香港迪士尼樂園酒店優惠

[2021.08.18更新] 👉🏻kkday 夏日住宿優惠,4成人入住迪士尼樂園酒店或迪士尼探索家酒店只需$1234 入均$308.5!

香港迪士尼樂園酒店 – 花園迷宮

去迪士尼之前先入住香港迪士尼樂園酒店,休息一晚再入園玩。 今次我哋會入住國賓廳海景露台客房,想睇真實情況就即刻去片~

Youtube Channel: We4 Travel 一起旅遊吧 – 香港迪士尼樂園酒店 Staycation

一到達酒店,排隊前職員話如果訂左國賓廳就唔洗係大堂排隊,可以直接上國賓樓層Checkin。入住當日未開始暑假,所以人唔多,可以即刻Checkin。國賓廳既職員都好有禮貌,隔住個口罩都感受到佢地好好笑容。職員有提醒如果我哋想入樂園玩就要預約,亦有介紹國賓廳安排既其他活動。

我哋當日大約下午三點入到去已經即刻可以入房,今次住既海景露台房真係超級靚!純白色既露台真係好似置身係迪士尼世界既城堡一樣。

香港迪士尼樂園酒店 – 國賓廳海景露台客房

👉🏻Klook 預訂香港迪士尼樂園酒店優惠

講返間房先,雙床房型空間夠大,而額外加錢既慶祝生日佈置真係令呢間本來就好靚既房更加歡樂,令呢次既迪士尼Staycation更難忘。設備方面同普通酒店差唔多,有Nespresso 咖啡機、茶包提供。比較特別既係房間入面2枝大樽裝既Bonaqua礦泉水🤣 另外因為今年係迪士尼酒店15週年關係,床頭會有2張15週年既紀念Postcard而牙刷等用品亦會用一個印有15週年紀念既鐵盒裝住,非常具紀念價值!

由於職員有介紹到四點會係國賓廳有迪士尼小手工玩,我哋就好快放低行李出返去做小手工。原來當日係用卡紙做一頂唐老鴨既帽,簡簡單單但整完出黎都好得意!做完小手工可以坐入去國賓廳食小點心,當日既點心有米奇造型既米通、爆谷、軟糖等小食,全部都獨立包裝,另外亦有咖啡,果汁汽水任飲。

之後黃昏時間就會有紅白酒、啤酒、Gin酒等供應,食物亦會換上三文治,沙律等輕食,仲有幾款加入迪士尼元素既甜品!除咗自己夾既冷盤,職員係黃昏時間會問客人要唔要一份熱食。當日既熱食係包括龍蝦湯、雞肉串燒、炸雲吞,炸蝦等等,份量雖然唔多,但味道不錯!職員知道我哋有人唔食得海鮮之後有入廚房問師傅邊樣食物無海鮮成份再另外準備一份食物俾我哋 (雖然食物唔係另外準備,係同出面夾既一樣😂,但都好欣賞職員既用心🥰)

天氣好既時候晚上會有户外電影播放,酒店有貼心準備蚊怕水!泳池我哋今次就無去到~ 值得一提既係,晚上大約7點會有迪士尼人物着睡衣係走廊同大家影相。入住國賓廳客房既客人checkin時會有張飛寫住同迪士尼朋友既影相時間。不過由於疫情關係,同迪士尼朋友影相時都要保持社交距離🤣 👉🏻Klook 預訂香港迪士尼樂園酒店優惠

香港迪士尼樂園酒店 晚上戶外電影放映

晚上國賓廳仲有睡前講故仔時間,國賓廳會有演藝人員講Bedtime Story俾小朋友(/大朋友)聽,大家可以聽埋故仔飲杯牛奶再返房休息。而夜晚返到房因為又想食野既關係我哋叫左一份Room Service既宵夜,係韓式豬肉飯。估唔到連紅蘿蔔都係米奇老鼠既造型!米奇老鼠係迪士尼酒店真係真係無處不在。

最後就講埋國賓廳既早餐,早餐同黃昏時分Happy Hour 一樣係一份定食咁上。一坐低職員就會問我哋食中式定西式(中式:炒麵,蛋捲,粥,點心; 西式:露旬,磨菇,蛋,火腿,薯餅,牛角包)之後再點埋飲品就可以出去睇下仲有咩想食。出面自助區有沙很、牛角包、小蛋糕等輕食,亦有果汁、牛奶、粟米片、乳酪等早餐食品。雖然選擇唔算好多,但加埋一份中/西式既熱食都好夠飽。

退房同樣可以係國賓廳完成。因為當日我哋係Checkout後先入樂園,職員有提供選項可以幫我哋送行李去樂園門口,咁我哋離開時唔洗再次回酒店取行李,非常細心!

👉🏻Klook 預訂香港迪士尼樂園酒店優惠

總括黎講,我哋好滿意今次係迪士尼樂園酒店既住宿!由酒店既華麗裝修到職員既細心服務都令我哋覺得好似真正進入左一個夢幻世界一樣!而國賓廳安排既一項接一項活動亦令我哋既staycation變得更充實😂 如果小朋友去到一定會好開心🥳

👉🏻klook 預訂香港迪士尼樂園門票優惠

香港 港島香格里拉大酒店 (Island Shangri-la) 住宿報告

今次係我哋第二次入住港島香格里拉,上年住既時候酒店剛剛開始裝修,今次我哋就入住新裝修既房 – 豪華閣海景客房 (Horizon Harbour View Room)

即刻睇片:

Youtube Channel: We4 Travel 一起旅遊吧

以下為 100%真實住宿評價

❤️服務 ⭐️⭐️⭐️⭐️⭐️

服務超好!好似去到邊都隨時有人可以assist 我哋咁😂 Front desk 既職員超有禮貌

🤩房間 ⭐️⭐️⭐️⭐️⭐️

新裝修既房真係好靚!新房走簡約奢華路線,房間燈光足夠,即使夜晚都唔會太暗。 房間空間十足,即使放大大張梳化Day Bed 係窗邊都仲有好多空間。 Pantry (即Mini Bar) 係我哋暫時係咁多間酒店入面見過最靚既!Pantry 又有型又有好多細節位,有即熱水機,而且仲有分開住客冰箱,方便大家擺自己既食物/飲品。海景房入面仲有一架調酒手推車!😂 好有趣既設計😍

🤩廁所及浴室 ⭐️⭐️⭐️⭐️⭐️

廁所同浴室分開為2個空間。廁所有獨立洗手盤同鏡,浴室內甚至有獨立化妝位置!淋浴間有分雨淋花曬及浴缸,淋浴間玻璃使用霧化玻璃,可以轉為半透明/不透明 (亦可關上門將玻璃完全遮住) 淋浴露等用品轉為大支裝,但每瓶用品上都有貼紙密封,可安心使用。

🍽食物 ⭐️⭐️⭐️⭐️⭐️

香格里拉的餐飲一直有保證,今次住宿我哋去左豪華閣享用雞尾酒時段 (cocktail session) ,位於56樓既豪華閣 Club lounge 環境超靚,食物雖然款式唔算好多,但質素一流! 晚餐用Dining Credit 係夏宮享用,燒腩仔好食! 而早餐則係珀翠餐廳 (Petrus) 享用半自助餐,食物質素非常好而且可以從餐廳欣賞維港景色!讚!

P.S. Weekend 豪華閣既Cocktail Session 可能要提早預約😘

🤣其他設施 ⭐️⭐️⭐️⭐️

泳池要預早預約,雖然面積唔大但可以係商廈臨立既金鐘游水都係一個好有趣既體驗🤣

☺️總結

打完睇返篇評價真係好似廣告😂可能因為我哋真係好中意呢一間已經有超過30年歷史既酒店,由每日會更換既地毯睇得出酒店好注重細節!再加上員工超好既服務態度,就感受到真正既五星級酒店既水準!🤩

露營車、星空營、車中泊|最新香港夏日露營勝地 (2021 持續更新)

相信過去一年大家都去咗唔同嘅酒店Staycation,開始覺得無新意。係正式踏入暑假之前,我哋搜羅咗香港唔同嘅露營地點,有沙灘露營車、觀星營、帆船營、甚至係近期好熱門嘅車中泊。希望大家都可以係夏天舒舒服服去Glamping。

1. 大嶼山海邊露營車:海迎灘 Welcome Beach
海迎灘露營車位於大嶼山長沙泳灘附近,從東涌乘坐的士到營地只需大約 $70-90 。在東涌大型超市入貨後再乘的士到達十分方便。露營車距離海邊不足5 分鐘路程,一訓醒就可以直奔海邊。營地設施充足,車內有冷氣、煮食用具、雪櫃、電視等設備,即使萬一下雨也可以在車內玩煮飯仔~ YouTube影片介紹

其他資訊:

地址: 大嶼山上長沙海灘 海迎灘

Whatsapp: 90606220

官網預訂

註:由於場地十分受歡迎,7-8月的預約接近全滿
溫馨提示:如3人以上強烈建議預約「普通4人車」以上車型 (「普通4人車」車廂較狹窄,廁所空間亦比較窄)

交通 (資料來源:海迎灘官網)
的士:由東涌或梅窩前來大約HK$70至HK$90(可自行call的士台Tel: 66887537)。乘搭 的士可同司機講:長沙 「海迎灘」落車便可。

巴士:
經東涌巴士總站: 乘11號、23號、A35及N1(通宵) 巴士 (約20分鐘車程)
經梅窩巴士總站乘1,2,4,N1號巴士 (約20分鐘車程)

2. Glamping 影相打卡之選 — 白泥部落
於2019 年開業的白泥部落最近完翻新,在2021 年5 月重新開張,並已搬遷至錦田。
重開後的白泥部落營地共有3種特色營:部落營,帆船營,星空營。而每個特色營帳均有冷暖氣、風扇、風筒、電陶爐、電熱水煲等等。

夏天多雨水,去戶外露營就係被蚊咬,而場地已進行過杜絕蚊蟲工程,盡力減少場地蚊蟲數量,咁有小朋友去都唔洗咁驚啦~

小編們覺得白泥部落最吸引嘅就係營內嘅傢俬擺設,每個位置都好啱影相打卡!成班朋友一齊去影相都輕輕鬆鬆玩返日當去左旅行~


電話/Whatsapp:
5245 5391

預約:
Hollimood 預約 白泥部落優惠:
(由 2021-06-24 至 2021-09-01 , 星期一 至 星期日入住  -$100.00
白泥部落部落營網上預約 入住人數 (2-4人)
白泥部落星空營網上預約 入住人數 (2-4人)
白泥部落帆船營網上預約 入住人數 (6人)

地址:
元朗錦田八鄉石崗機場路水流田村

駕車、泊車資訊:
– 駛至錦田公路迴旋處 (錦田 / 八鄉迴旋處),轉入八鄉,靠左轉入石崗軍營,沿著石崗機場路直駛,經過軍營南鐵閘及西閘後,留意右邊「白泥部落」招牌,便可到達。
– 營地有停車位,位置先到先得。一個營包一個免費車位,如超出一架不論是否過夜收費為$150。

乘車:
1)於錦上路站,乘搭巴士64K或251A,於水流田村站下車,步行經過水流田村,約10分鐘到達營地。
2)於錦上路站,乘搭的士前往營地, 車費約港幣30元。

其他露營資訊持續更新!請等等~~





天際100觀景台|只需60秒直上100樓|看盡香港360度美景

天際100 (Sky100) 位於全港最高的環球貿易廣場100樓,觀景台離海拔393米高,絕對係香港最具代表性既觀景位置之一。天際100 觀景台是全港最高的室內觀景台,而且連接九龍站圓方商場,是夏天舒舒服服觀賞香港景觀的好去處。Sky100 Klook 優惠預訂

YouTube Channel : We4 Tavel 一起旅遊吧

購買門票 / 於網上訂票後可以直接由圓方商場進入天際100。要登上100 樓首先要乘坐升降機,而乘坐升降機前會經過一條時光隧道, 這裡也是不能錯過的影相打卡位!

超美的時光隧道 – 天際100

唔講唔知,原來天際100 擁有全港最快雙層電梯,由地下坐升降機去到位於海拔 393米高 (大約100 層高) 既觀景台只無需要 1 分鐘左右,就可以將香港既無敵靚景收入眼簾。如果好天氣的時候可以看到香港最美的景色。即使天氣不好,在位於100 層的高空也可以欣賞特別的香港景色,更有機會體驗到騰雲駕霧的美景~

今次我哋去到仲發現,只有在手機下載天際100app. 就可以配合AR技術,將整座ICC捧於掌心!打卡一流!

天際100 AR 技術

而位於觀景台西面的Café 100 by The Ritz-Carlton, Hong Kong 亦有提供少量輕食,如果於日落時分到達更可以邊欣賞無敵日落景,邊享受美食!(不過記得要早一點先到點餐區預約之後再開始遊覽Sky100, 有空位入座時,職員會打電話提醒)

[2021 更新] Klook 天際100 優惠
Klook 正進行天際100 優惠,單人入場只需$60 而雙人入場更只需$100 (原價每人$198)
klook 預訂按此

地址:
天際100 香港觀景台
香港九龍柯士甸道西 1 號
環球貿易廣場 100 樓

開放時間:
每日11:30 - 20:30(最後入場時間: 20:00)

交通資訊:
天際100 香港觀景台座落於港鐵東涌綫及機場快綫之九龍站上蓋,緊密連接港九新界不同目的地。只需從九龍站 C 出口步出即可輕鬆抵達。

天際100 入口連接圓方商場金區 2 樓,只需跟隨商場內沿途指示就可到達。

更多詳情請參閱官網:
https://sky100.com.hk/zh-hant/

【大嶼山露營車】 海迎灘 BBQ 露營車|2日1夜露營車真實體驗 (1)

夏季正式開始!出去露營又熱,酒店Staycation 又去得太多有啲悶?
今次我哋就試下住外國好流行既露營車,左揀右揀最後決定去「海迎灘」

海迎灘位於大嶼山長沙,選擇佢既原因無佢哋真係好近長沙泳灘~

住得露營車就梗係想同陽光玩遊戲啦!
由海迎灘一行出去就係長沙泳灘,咁就玩完水返去訓覺再BBQ 直落都無問題。

即刻去片睇下我哋係長沙既 2日1夜玩咗咩啦~

海迎灘係位於大嶼山長沙海灘附近,由東涌去海迎灘坐的士都只係大約 HKD$ 70-90 (4個人一齊去係假日仲平過坐巴士)係東涌買哂補給之黎再坐的士入去就剛剛好啦~

就係呢一個景令我哋係眾多露營車營地中選擇左海迎灘

即使今年夏天唔能夠出外旅遊,但入到黎海迎灘,係藍天白雲、一排棕櫚樹嘅襯托之下,整個環境就好似去左海島渡假一樣。

營地總共有十架露營車,分別有2人、4人、5-6人車。

雖然營地整體面積唔算大,但由於最多都係十架露營車,即使全部爆滿都係最多 40 人使用營地,唔怕會變成人逼人,無哂渡假氣氛。

行到呢個海濱休憩區可以欣賞到長沙海灘既靚景,既適合影相打卡,又可以吹下海風曬下太陽,影出黎既畫面真係唔似係香港,好夢幻~

成個營地入面其實我哋最中意既就係呢個梳化位,除咗可以望坐海邊沙灘,仲可以坐係有遮陰位同朋友傾計,好似去左渡假,悠閑咁過一個下午。

朝早天氣可能太熱,夜晚先係出邊同朋友傾下計飲下嘢都幾Chill~

我哋夜晚係出面逗留都一陣都唔覺有超級多蚊,營地應該有噴到蚊水~

一朝早訓醒就可以係車窗望到外面既靚景,真係不得了!!

之後再係車入面煮返個靚靚早餐,拎出去對住個海食 (P.S.鐵板係自備嫁!如果想租電磁爐燒肉板都可以係接待處租借,但係就唔係圖中呢個樣既~~)

又或者乖乖地坐返係露營車出面食都好有 Feel ~

講開餐具,Check-in 時係接待處交左按金後就可以得到呢一籃餐具。入面會有張紙記錄住每款餐具有幾多份,Check-out 時記得數清楚,洗乾淨先交還呀~ 其實網上見到仲有其他廚具可以免費租借,大家可以係去之前睇下官網 ( P.S. 如果想租借鐵板燒肉就要額外俾錢啦!至於係車外用電磁爐就視乎唔同車型而定)

長沙泳灘

由海迎灘營地行出沙灘只係需要 5分鐘?(其實由露營車出黎一行過木閘就已經到達沙灘)

如果假日想避開其他人仲可以一早就行出沙灘係 接近3公里長既長沙海灘散步,之後先食早餐。享受一下早上超級寧靜既沙灘都係一個好唔錯既體驗。

潮退時更會有機會影到「天空之鏡」既靚景!!!

長沙泳灘 「天空之鏡」

詳細評價可以睇下一篇,又或者去我哋IG 睇住先~

總括嚟講,海迎灘露營車都係一個好難得嘅體驗。
不過由於佢哋得10架車,所以假日好多時要一早預約先有機會玩。

除咗海迎灘之外,其實香港仲有好多其他露營車可以試吓~ 而且仲有其他露營活動,好似近期好Hit 嘅 Glamping 咁。今個暑假就同我哋一齊 Go Wild 啦!

我哋仲會繼續去嘗試唔同嘅 Camping 活動,大家記得留意住我哋個Blog 同埋Youtube Channel ,一齊探索下夏日香港好去處!

大嶼山露營車 — 海迎灘
網站:http://welcomebeach.com.hk