〖香港機場島〗準備去旅行!飛機維修區睇日出日落 、飛機升降|香港國際機場古窯公園

前往機場維修區的交通很簡單,只要在東涌地鐵站,東薈城下的巴士總站,乘S52 巴士到總站。再步行一小段路即可到達。

位於赤鱲角南環路的機場維修區,是熱門的日落觀賞位置,每逢假日都有不少朋友、家庭,情侶結伴來到邊欣賞日落邊欣賞飛機升降得景色,再順道野餐、影相打卡。沿赤鱲角南路一直走,是長長的海岸道路,所以這裏亦是附近居民跑步的熱門路線。

進入機場島,經過觀景山的入口,沿緩跑徑一直走到國泰城。

國泰城對面會見到一大片廣闊的草地。這個公園香港國際機場古窯公園,和其他公園相比,這邊的人流較少。在陽光普照的日子,來這邊野餐,遛小孩,讓「主子」跑跑也很不錯。

香港國際機場古窯公園

香港國際機場古窯公園內收藏了和香港國際機場有關的歷史物品,在野餐之餘也可以增長一點點關於香港的認識。

離開公園,如果還有時間的話可以於乘坐 S52 巴士前往機場維修區看日落

到達S52 巴士總站後,往回走一小段路便到邊海邊石堤。沿路都可以欣賞到日落和飛機升降,但我們建議大家可以多走幾步,會見到一條信號橋,那邊可以拍到的照片會更加豐富,更具特色。

日落後,人流漸漸減少,如果不趕時間亦可以多坐一會。感受寧靜的夜晚,之後再走回S52巴士總站,坐車回到地鐵站。在東薈城用餐後結束一日行程。


機場維修區

地址:赤鱲角南環路

開放時間:24小時

前往「機場維修區」交通:

S52巴士 (逸東邨巴士總站 > 飛機維修區)
巴士實時路線

〖東岸公園主題區〗港島日落靚景、銅鑼灣避風塘燈塔|觀賞日落好去處

今次介紹香港島 2個可以於市區觀賞日落的景點,分別因為東岸主題區(第一期)以及 銅鑼灣避風塘燈塔。上述兩個地方都位於離市中心大約10分鐘路程,十分方便,而且都是面向廣闊的維多利亞港海景,可以欣賞得到香港獨有的日落美景。

Youtube Channel : We4 Travel 一起旅遊

1. 東岸公園主題區(第一期)

首個以維港為主題的大型字型藝術裝置

香港島最近有全新旅遊景點 – 位於炮台山地鐵站10分鐘步程內的24小時開放東岸主題區
主題區的入口位於中環灣仔繞道行車天橋下,建築師以「窗戶」為設計概念,把大小不一的窗框融入欄杆、戶外裝置及矮壆的設計,遊人所見的景色仿似是從一扇窗向外望。

東岸主題區(第一期)

主題區提供草地、座椅、遮陽設施等,供市民享用。另外,為讓市民欣賞維港景色時,同行的孩童能盡情玩樂,場地內設有兒童平衡車試驗空間;建築師亦善用場地特點,於部分陸地斜面海堤上設置遊樂滑梯和安全地墊。主題區亦是寵物友善場地,只要繫上牽繩就可以和寵物一起享受公園。

東岸主題區第一期:防波堤

另外!東岸主題區第一期其中的一大特色,是設有第一條於維港內正式向公眾開放的防波堤。防波堤長約100米,讓市民從維港內海以新角度欣賞香港的海岸線。在防波堤末端可近乎360度飽覽維港景色,

東岸公園主題區
地址:https://goo.gl/maps/5s8TbyFFDTU1bxVC8
前往方法:炮台山港鐵站A出口經油街轉入電器道,至屈臣道街尾即可到達,步程約七分鐘


2. 銅鑼灣避風塘燈塔

想一嘗在市中心乘搭舢板睇日落的話可以選擇銅鑼灣避風塘。乘坐舢板於海上穿梭於遊艇之間,欣賞維港超美的景色!絕對是一個很特別的體驗。

銅鑼灣避風塘
銅鑼灣避風塘

銅鑼灣避風塘燈塔

地址:https://goo.gl/maps/JYJgXnRSwXdSGFfLA
前往方法:由銅鑼灣Sogo 出發,依影片路線沿東角道直行進入怡和中心,於告示打道方向離開後左轉入小巷落停車場,再依往香港遊艇會指示到達銅鑼灣避風塘。乘舢板前往燈塔只需5分鐘船程 (收費單程$15)

〖谷埔蘆葦田〗鹿頸 – 鳳坑 – 谷埔|欣賞日落黃金蘆葦田|輕鬆郊遊.BB級行山路線(附詳細交通、行山路線)

睇完 鋒加西亞 – 德國工作假期後的世界流浪 去隱世蘆葦田既文章之後一直都好想去,

有一日放假,小編們終於「的起心肝」由去粉嶺出發,

鹿頸落車再經鳳坑村走入谷埔欣賞日落蘆葦田

鹿頸 – 鳳坑 – 谷埔

影片分享


鹿頸 – 鳳坑 – 谷埔 郊遊路線

詳細路線可以參考埋 鋒加西亞 – 德國工作假期後的世界流浪,我哋都係跟住呢個路線行。

粉嶺火車站 C出口56K小巴,在「鹿頸」總站下車。
沿新娘潭路一直走到「發記士多」轉左再轉左,
正式進入郊游徑,沿郊游徑行1 小時即到達谷埔蘆葦田
回程沿原路回下車地點,乘56K小巴回粉嶺火車站。

全程大約 7 公里,慢慢拍照+遊玩都只係 3 小時來回 (路程大約 2 小時)
全程只有大約 10 分鐘平緩梯級 ,其餘都是平路,
是一條適合一家大細郊游的「BB級路線」。


粉嶺火車站 C出口乘56K小巴,在鹿頸總站下車。

見到BB 開心士多之後係總站落車,沿新娘潭路一直向前走到「發記士多」指示牌轉左之後係「發記士多」前再轉左,正式進入郊遊徑。

經過幾間村屋穿過樹蔭後,就會見到呢個咁開揚嘅景色啦!

啲水仲好清好清!真係估唔到香港會希一個咁靚嘅地方呀~

行前少少會見到紅樹林,如果同小朋友一齊黎就可以同佢一齊欣賞下紅樹林嘅生態,

潮退時仲希樹會見到彈塗魚!

全條路線都好簡單而且路面十分平坦!

行到一半會見到分叉路口,要依指示沿海邊行就可以繼續向谷埔方向前進。

過咗分叉路口後向前行會見到一個涼亭,

就即係我哋黎到全條大約1 小時嘅路線唯一一段樓梯路啦!

呢一段樓梯路係大約 5 分鐘上,之後一段短短嘅平路再落 5 分鐘樓梯就可以完成!

梯級同梯級之間唔高,算係一段十分平緩嘅樓梯。一家大細都應該輕鬆行到

行完樓梯後一直沿路行大約 10 分鐘左右就會到達鳳坑村!

雖然鳳坑村係唔可以進入參觀,但係離遠睇都已經覺得好靚~ 好似一幅美麗嘅鄉村圖畫咁

大家千祈唔好走入村,打擾村民同破壞呢度嘅寧靜呀!

係村口有大大片嘅蘆葦田,黃昏嘅時候黎呢度真係好靚。

身為城市長大既城市寶寶係呢一刻都有少少嚮往鄉村嘅寧靜~

欣賞完鳳坑村嘅美景後再向前行少少就會見到呢個小碼頭,碼頭嘅盡頭有小燈柱。

配合全身後嘅海景同山景,呢個T11 碼頭成為咗一個熱門嘅影相打卡位~

影完相就繼續向前行~~~

一直沿住海邊既平路行,沿途欣賞紅樹林同海景行大約 5 分鐘,就會見到另一個景點

對面呢一個看似係海中心既小沙洲,係潮退嘅時候係可以行過去嫁!

大家如果想過去就要留意返潮夕漲退嘅時間啦!

經過小沙洲後,繼續繼續沿海邊行大約 20 分鐘左右就會見到呢間已經荒廢咗既啟才小學,

唔好睇少呢間學校,佢係一間有近80年歷史嘅三級歷史建築!

而啟才小學對面就係望住呢一個咁靚嘅景色,有山有水有花。係真真正正嘅人傑地靈~

欣賞完歷史建築後,再沿海邊繼續行就可以欣賞到左邊海景,右邊山水景。

呢個風景真係好靚係一個適合畫畫既好地方。

沿住海邊行多 5 分鐘左右就會到達谷埔村村口!見到呢個指示牌轉左就係去谷埔碼頭

同剛剛係鳳坑村村口嘅碼頭差唔多,都係一個好好嘅影相打卡位 (呢個位可能會少人啲~~)

影完碼頭相後行返去谷埔村村口指示牌轉右就會見到呢一條小徑,一直行就會到達蘆葦田啦!!

雖然2 月唔係蘆葦最盛開嘅季節但係呢一個夕陽慢慢落下,

映照係蘆葦上閃閃發光嘅畫面真係好夢幻好靚呀!

Zoom近啲再睇下!呢一個情景真係一啲都唔似係香港~

好似童話世界入面既田野一樣,好靚好靚好靚!

(不過大家千祈唔好嘗試落田,如果唔係應該真係會泥足深陷!!)

欣賞完呢個咗靚咗夢幻既景色後,就係時候沿原路回程啦~

一邊返返去鹿頸落車位,一邊欣賞日落就為今日嘅行程畫上完美嘅句號。