【香港Staycation】奕居 The Upper House 海景套房 住宿體驗|用盡$2,000 房內用餐消費額

The Upper House 奕居
/ 影片分享 /

Youtube Channel: We4 Travel 一起旅遊吧


The Upper House 奕居
/ 海景套房 /

房間面積有1200呎!以香港的居住面積來說十分寛闊!尤其是房間內的客廳!客廳主要放置超長的L型梳化,很適合一家人/數個朋友在房內聚會! 

而Upper House 的另一特色是,洗手間的空間比一般酒店大(很多!很多!)房間的洗手間內有一條走廊,要先經過才能到達 淋浴區 和 浴缸位置。

整體房間感覺乾淨,簡約木系設計形造「家」的感覺。不過由於酒店有一定歷史,於房間不少角落都可以發現到「歲月痕跡」,但整體來說不影響使用。

The Upper House 奕居
/ 房間景色 /

大廳景色望維多利亞港,景色同JW Marriott酒店差唔多一樣 (The Upper House位於JW萬豪酒店上層,兩間酒店同用同一大廈) 當日入住既房間既海景有少許遮擋。而稍稍失望的就係浴室景色並唔係海景而係office景,所以浸浴時記得記得要落簾😂😂

The Upper House 奕居
/ 酒店設施 /

無泳池,Upper House 係無泳池。42樓有Gym Room,大堂上電梯後會有定期轉既Cafe (職員話晚上會變身成小酒吧) 由玻璃門行出去有個小庭院可以放空一下。

The Upper House 奕居
/ 房內用餐 /

今次由於係住套房,Package包左$2000房內用餐,所以小編同朋友分別品嚐了幾款餐點。先講早餐,package 包係Salisterra享用早餐,有中式、英式、日式可以選擇。

小編同朋友因為太遲起身所以打電話俾Front Desk問可唔可以轉上房食,轉上房食要另外收取大約hkd$300費用 (費用為服務費,不可在dining credit扣)。所以如果想在房間享用早餐可直接同職員落單,就可以使用用dining credit點和在Salisterra享用一樣的早餐,不用特別話轉上房食😂 (一份早餐大約係~hkd$170)

In-room Dining 早餐
日式早餐、中式早餐
In-room Dining 西式早餐
In-room Dining:Sundae
In-room Dining Wagyu Burger
In-room Dining 海南雞飯

日式早餐提供三文魚定食!值得一讚的是送上房間時三文魚最面層皮的部分依然脆口,煎得好香😍👍🏻而其他中式早餐的點心味道中規中矩,西式早餐是All-Day Breakfast,正常酒店水準😂 

至於其他餐點,小編同朋友亦試左幾款😂 可以短評一下,和牛漢堡唔錯,唔會太乾👌🏻Mac n Cheese 小朋友一定中意🤣 (小編同朋友都係bb嘴,口味似小朋友) ,而新地雪糕賣相就少少失色,但仍算幼滑。 最後的海南雞飯味道一般,雞的肉質不是很滑。

(更新!)再次到訪 The Upper House,終於親身品嘗了 Salisterra 餐廳的早餐。幸運地獲安排坐窗邊的位置,可以欣賞到從高處欣賞金鐘早上繁忙的「景色」

The Upper House 奕居
/ 小總結 /

可能一直以來對Upper House既期望太高加上入住當日天氣又不太好😂 所以小編去到其實有少少失望。但整體來說Upper House無論從房間,餐飲都感受到酒店水準,因為房間裝修比較舊,而餐飲亦只係正常水平,所以無特別原因令小編和朋友感受到由Tripadvisor No.1酒店帶來的驚喜😂😂 

如果和同區金鐘其他酒店比較,小編會更推薦港島香格里拉酒店,又或者JW萬豪酒店 (JW經常有零房價Package,由於JW萬豪酒店幾間餐廳的食物質素高,非常受歡迎,所以記得要預早訂座!) 不過如果好似小編咁未住過The Upper House嘅都可以趁而家未開關前一試😂 


【香港隔離酒店3】實測!方便快捷預訂檢疫酒店(即日至10月預訂開放)

隔離酒店真的很難預訂!!!身邊很多朋友都因為預訂不到隔離酒店而不能盡早回港,而政府提供的檢疫酒店網頁雖然是綜合了所有隔離酒店的官網預訂連結和其他資訊,但每一次都要逐間酒店點擊進入官網查詢有沒有空房,真的是一件費時失事的工作。我們誤打誤撞在搜尋外國酒店時,發現了一個比較快捷 – 可以一次過知道香港各隔離酒店的房間預訂情況的方法,就寫一篇文章和大家分享一下吧。

〖香港迪士尼〗2022 煙花全攻略!全新「迪士尼星夢光影之旅」夜間匯演 Momentous(附表演時間表、觀賞位置推薦)

香港迪士尼 2022 煙花全攻略!這次的全新的「迪士尼星夢光影之旅」夜間匯演 Momentous 於 2022年6月18日首次公演。於2022年6月18日至8月14日逢星期五至一晚上舉行,而於8月15日 至 8月28日就會晚舉行一場(休園日除外)。整個光影匯演時長約20分鐘,橫跨六個人生章節,由誕生、成長、冒險、愛情到考驗主題的經典動畫片段投影在「奇妙夢想城堡」上。