【香港郊遊】流水響水塘（交通路線｜圖文分享） – 森林中的天空之鏡 、黃金落羽杉步道（2022.12 最後更新）

終於出發前往一直想去，但總是因各種原因延遲出發的流水響水塘！這次我們沒有走完整個流水響郊遊徑，只係簡簡單單圍水塘走一圈，再到水塘對岸的野餐地點就停低休息，欣賞美景，之後就原路回程。

🍁流水響水塘 紅葉情報
流水響水塘旁邊種植的落羽松，每年於十二月尾至一月初都會轉紅色，漫步其中就像走在紅葉大道般，值得一遊。

*2022.12.26 更新： 流水響水塘的落羽松已轉黃，相信1-2星期內達最佳觀賞期

---

流水響水塘
前往方法

首先係粉嶺火車站 C出口對開的小巴總站，乘坐 52B 專線小巴 – 在流水響站下車。如果不清楚落車的地點，可以在上車的時候禮貌地請司機到達流水響站提醒下車。（見到第一個八仙嶺郊野公園嘅路標就可以準備下車，第二個八仙嶺郊野公園路標見下圖）

這個迴旋處是落車地點，同時是回程時小巴上客的地方。（詳細交通路線見文末）

落車後就開始我哋今日嘅行程！首先依住指示轉右往流水響水塘。之後沿住一直行都係好平坦嘅路，上下斜嘅坡度好細。大約行左 15分鐘左右就會見到流水響郊遊徑既入口。

我哋今次就唔上山所以就選擇左直行圍住水塘行下。沿住郊遊徑一直行多 5分鐘左右就會見到流水橋，見到呢條橋就即係就嚟到達目的地啦！

沿途都可以望到對岸既景色，綠草如茵景色真係好似去左外國咁！

到達目的地後，映入眼簾的就是兩旁十數棵落羽松，形成一條落羽松大道～絕對是一個理想的影相打卡位。（12月尾-1月的時候這裡會變成一條美美的落羽松金黃大道）

之後沿住水塘慢慢行，係無風既時候可以好清晰咁望到對岸既倒影！
係一片樹林區之中有如此平靜既水塘景色，難怪這裡會被稱為「森林中的天空之鏡」 。

欣賞完景色我哋就沿路落返去坐落車地點坐小巴回到粉嶺火車站，
不過由於抵達既時候已經見到好多人係八仙嶺郊野公園嘅路標下面等小巴。
我哋就決定轉左往鶴藪水塘方向行多 15分鐘去到鶴藪村既小巴總站坐 52B小巴出去。

沿途都係平緩既下斜路，經過鶴藪停車場之後轉右行直到見到鶴藪亭轉右入鶴藪村，小巴站就係係村口位置。

流水響郊遊徑
路線簡介

由小巴站到水塘落羽松路只係 25 分鐘左右，如果只係簡單影下相就來回只需 1 小時！呢條懶人路線真係好適合快閃郊遊半日遊，景色好似去左外國既湖邊咁靚。如果唔大風既時候坐係水塘邊望住靚靚水塘倒影野餐都係一個好適合一家大細嘅活動。

前往流水響交通路線:

去程： 於粉嶺火車站C出口對面小巴總站，乘坐52B專線小巴 （流水響- 迴旋處下車）

下車後沿指示牌走 15分鐘到達流水響郊遊徑 入口，
再直行多 10分鐘左右到達流水響水塘

回程：原路回程

於下車地點附近排隊上小巴 52B回粉嶺火車站 / 於下車地點再步行多 15 分鐘到鶴藪村總站上車 (假日比較多人，總站會比較客容易上車）

---

👉🏻〖延伸閱讀〗香港紅葉、落羽松情報｜香港秋天好去處

更多香港好去處文章：

🎢香港主題公園/樂園/最新好玩活動：
👉🏻 【港版teamLab】ARTE M – 北角全新K11 沉浸式藝術館 ｜震撼極光投影
👉🏻 【香港展覽】香港藝術館 / 絕美海景 – 文青打卡位、360度投入青花瓷世界
👉🏻 【海洋公園】2023香港海洋公園全攻略｜企鵝餵食/海豚表演/全新狐獴館
👉🏻【香港迪士尼】2023 煙花攻略｜迪士尼夜間煙花匯演 Momentous
👉🏻【香港遊車河】香港遊車河路線10選｜輕輕鬆鬆自駕遊
👉🏻【香港露營】豪華露營車、私人營地、星空營｜收費營地大合集

🧳香港好去處：
👉🏻【香港旅遊】2023香港景點 TOP15必去景點｜拍拖好去處
👉🏻【香港公園】香港動植物公園 – 歷史悠久的「兵頭花園」｜城中綠洲
👉🏻【香港藝術】漫遊中上環 – HKwalls2023 壁畫地圖&最新貓貓壁畫
👉🏻【香港藝術】免費入場｜香港藝術館/180度維多利亞港海景/藝術展
👉🏻【香港古蹟】鬧市中的一級歷史建築 – 中電鐘樓文化館

⛰️香港行山郊遊 / 離島好去處：
👉🏻【香港行山】2023郊野樂悠悠 – 10條輕鬆易走行山路線 / 一家大細都啱行
👉🏻【香港行山】 元荃古道（荃灣至深井段）遠眺藍巴勒海峽！CP值高行山路線
👉🏻【香港離島】蒲台島一日遊 路線分享｜遊蒲台島全攻略
👉🏻【香港離島】坪洲一日遊｜BB級沿海郊遊徑、牛皮廠「秘密花園」藝術村
👉🏻【香港離島】長洲．一日遊｜文青風餐廳Cafe、輕鬆行山路線