〖香港迪士尼樂園酒店〗海景露台客房&國賓廳 // 入住報告:國賓廳食足3餐連宵夜(2022更新!)

香港迪士尼樂園酒店
入住房型: 國賓廳海景露台客房

更新!2022年4月21日 香港迪士尼樂園終於重開啦!!! 記得入場前要看預約入場!
👉🏻迪士尼樂園網上預約入場

Klook.com

向左滑動更多圖片

每次去香港迪士尼之前都盡量會入住香港迪士尼樂園酒店,先休息一晚,好好準備投入迪士尼夢想世界之後隔日正式入園玩。 今次適逢 Klook有迪士尼酒店優惠,就入住國賓廳海景露台客房!準備食足 3 餐之餘,仲可以同朋友係露台睇日落、觀星,再扮下公主!

👉🏻Klook最優惠價格預訂
(低至5折預訂迪士尼酒店)

香港迪士尼樂園酒店 – 花園迷宮

入住體驗

到達酒店正準備排隊前職員就告之如果預訂了國賓廳是不用在酒店大堂排隊,可以由他們帶領直接上國賓樓層Checkin。由於入住當日未開始暑假,人流唔多。一到達便可以即刻登記入住。國賓廳的演藝人員職員全都十分有禮貌,即使隔住口罩都能夠感受到他們的親切笑容。另外職員有提醒如果想明天入樂園玩就記得要預約!(迪士尼樂園網上預約入場 2022年4月)辦妥入住手續後,演藝人員亦有詳細介紹當天國賓廳安排給入住賓客的活動(還有和迪士尼朋友晚上合照的門票)

國賓廳 海景露台房

當日大約下午三點到達酒店,登記入住後已經即刻可以領取房咭入房。這次入住的海景露台房令我們十分十分滿意!裝修很有迪士尼的風格 ,站在純白色的露台向外看就是一望無際的海景!真的就像置身在迪士尼世界的城堡一樣。

香港迪士尼樂園酒店 – 國賓廳海景露台客房

👉🏻Klook 官網預訂優惠 (低至5折預訂迪士尼酒店)

講返間房先,雙床房型空間夠大,而額外加錢既慶祝生日佈置真係令呢間本來就好靚既房更加歡樂,令呢次既迪士尼Staycation更難忘。設備方面同普通酒店差唔多,有Nespresso 咖啡機、茶包提供。比較特別既係房間入面2枝大樽裝Bonaqua礦泉水🤣 另外因為今年係迪士尼酒店15週年關係,床頭會有2張15週年既紀念Postcard而牙刷等用品配以一個印有15週年紀念既鐵盒包裝,非常具紀念價值!

國賓廳活動

由於職員有介紹到四點會係國賓廳有迪士尼朋友小手工玩,我哋就好快放低行李出返去做小手工。原來當日係用卡紙做一頂唐老鴨既帽,簡簡單單但整完出黎都好得意!做完小手工可以坐入去國賓廳食小點心,當日既點心有米奇造型既米通、爆谷、軟糖等小食,全部都獨立包裝,另外亦有咖啡,果汁汽水任飲

國賓廳黃昏小食

之後黃昏時間就會有紅白酒、啤酒、Gin等供應,食物亦會換上三文治,沙律等輕食,仲有幾款加入迪士尼元素既甜品!除咗自己夾既冷盤,職員係黃昏時間會問客人要唔要一份熱食。當日既熱食係包括龍蝦湯、雞肉串燒、炸雲吞,炸蝦等等,份量雖然唔多,但味道不錯!職員知道我哋有人唔食得海鮮之後有入廚房問師傅邊樣食物無海鮮成份再另外準備一份食物俾我哋 (雖然食物唔係另外準備,係同出面夾既一樣😂,但都好欣賞職員既用心🥰)

Klook.com

國賓廳限定!戶外電影院

天氣好既時候晚上會有户外電影播放,酒店有貼心準備蚊怕水!泳池我哋今次就無去到~ 值得一提既係,晚上大約7點會有迪士尼人物穿着睡衣係走廊同大家影相。入住國賓廳客房既客人checkin時會有張飛寫住同迪士尼朋友既影相時間。不過由於疫情關係,同迪士尼朋友影相時都要保持社交距離

👉🏻KKday 官網預訂優惠 (低至5折預訂迪士尼酒店)

香港迪士尼樂園酒店 晚上戶外電影放映

國賓廳限定!睡前故事

晚上國賓廳仲有睡前講故仔時間,國賓廳會有演藝人員講Bedtime Story俾小朋友(/大朋友)聽,大家可以聽埋故仔飲杯牛奶再返房休息。而夜晚返到房因為又想食野既關係我哋叫左一份Room Service做宵夜,打電話落單一份韓式豬肉飯,大約20分鐘就送到!。一打開便當,估唔到連紅蘿蔔都係米奇老鼠造型!米奇老鼠係迪士尼酒店真係真係無處不在。

國賓廳早餐

最後就講埋國賓廳早餐,早餐同黃昏時分Happy Hour 一樣係一份定食咁上。一坐低職員就會問我哋食中式定西式(中式:炒麵,蛋捲,粥,點心; 西式:露旬,磨菇,蛋,火腿,薯餅,牛角包)

之後再點飲品就可以出去睇下仲有咩想食。出面自助區有沙律、牛角包、小蛋糕等輕食,亦有果汁、牛奶、粟米片、乳酪等早餐食品。雖然選擇唔算好多,但加埋一份中/西式既熱食都好夠飽。

退房同樣可以係國賓廳完成。因為當日我哋係Checkout後先入樂園,職員有提供選項可以幫我哋送行李去樂園門口,咁我哋離開時唔洗再次回酒店取行李,非常細心!

小總結

總括黎講,我哋好滿意今次係迪士尼樂園酒店既住宿!由酒店既華麗裝修到職員既細心服務都令我哋覺得好似真正進入左一個夢幻世界一樣!而國賓廳安排既一項接一項活動亦令我哋既staycation變得更充實😂 如果小朋友去到一定會好開心🥳

👉🏻Klook最優惠價格預訂
(低至5折預訂迪士尼酒店)

YouTube 影片分享


香港迪士尼樂園酒店

地址:香港迪士尼樂園度假區, 香港, 大嶼山

+852 3510-6000

酒店官網:https://www.hongkongdisneyland.com/z…


東涌世茂喜來登酒店 100%真實住宿分享|香港迪士尼住宿之選|香港萬豪集團酒店

香港東涌世茂喜來登酒店 (Sheraton Hong Kong Tung Chung Hotel)位於東涌,由酒店前往香港迪士尼樂園大約只需15分鐘車程。如果於假期熱門時間訂不到迪士尼樂園酒店,又或者希望入住價格比較親民而又近迪士尼的酒店都可以考慮下入住東涌喜來登。


KKday 7 周年玩樂大優惠: HK$1,856/晚 起 (標準價: HK$3,740)

👉🏻KKday 官網預訂優惠 (低至5折預訂迪士尼酒店)
2 位成人、2 位 12 歲以下兒童入住,只須 HK$464/位 起 (已含 10%服務費)
以上套票,包括:

  • 香港迪士尼樂園酒店一晚豪華客房住宿
  • 每房最多可接受 4 人入住*
  • 提供床型:兩張雙人床
  • 兩份酒店指定早餐套餐
    *基本房價已包括 2 位成人或 2 位成人加上 2 位 12 歲以下兒童入住。入住同一酒店房間 的第三及第四位 12 歲或以上的賓客(「額外賓客」)須繳付每人每晚港幣$200 之附加費 (另收 10%服務費)(「附加費」)。此附加費只包括額外賓客入住酒店的費用,並不包 括其他套票內容。附加費已包含於系統價格。
    優惠詳情:
    優惠期(預訂期) :2021年12月23日15:00至12月28日23:59 可選擇入住日期:2021 年 1 月 1 日至 2022 年 2 月 6 日(個別日子不適用)

One thought on “〖香港迪士尼樂園酒店〗海景露台客房&國賓廳 // 入住報告:國賓廳食足3餐連宵夜(2022更新!)

  1. Pingback: 【香港 Staycation 優惠 2021】各大酒店優惠合集 (持續更新) – We4 Travel

發表留言